close
Array ( ) 1

తాజా వార్తలు

Published : 09/05/2020 20:52 IST
Facebook Share Twitter Share WhatsApp Share Telegram Share

బంధుత్వం కాదన్నా.. పోలీసులు కదిలారు..

బెంగళూరు: కరోనా వైరస్‌ భయంతో అయినవాళ్లే కాదన్న పరిస్థితిలో రక్షక భటులే పూనుకుని ఓ వ్యక్తికి అంత్యక్రియలు నిర్వహించారు. కర్ణాటకలో చోటుచేసుకున్న ఈ ఘటన వివరాలు ఇలా ఉన్నాయి. మైసూరు సమీపంలోని చామరాజనగర్‌ జిల్లాలో ఓ గ్రామానికి చెందిన మతిస్థిమితం లేని వ్యక్తి వన్యమృగాల దాడిలో మృత్యువాత పడ్డాడు. అడవికి సమీపంలో ఉండే ఈ ఊరిప్రజలపై క్రూరజంతువులు దారిచేయటం పరిపాటి. కాగా నాలుగు రోజుల క్రితం జరిగిన ఈ ఘటనలో 44 ఏళ్ల ఆ వ్యక్తి శరీరానికి పోస్ట్‌మార్టం నిర్వహించిన అనంతరం కుటుంబ సభ్యులకు అప్పగించబోయారు. అయితే తమకు కొవిడ్‌ వ్యాధి సోకుతుందనే భయంతో మృతదేహాన్ని స్వాధీనం చేసుకునేందుకు ఆ వ్యక్తి కుటుంబ సభ్యులు నిరాకరించారు.

రక్తసంబంధీకులు కూడా కాదన్న ఆ వ్యక్తికి కడపటి సంస్కారాలు నిర్వహించేందుకు ఆ ప్రాంత అసిస్టెంట్‌ సబ్‌ ఇన్స్‌పెక్టర్‌ మాదెగౌడ పూనుకున్నారు. ఆయన మరో ఇద్దరు సహోద్యోగుల సహాయంతో చామరాజనగర్‌లోని హిందూ స్మశానవాటికలో స్వయంగా గోతిని తవ్వి ఆ వ్యక్తి శరీరాన్ని ఖననం చేశారు. అనంతరం అతనికి ఆత్మశాంతి కలగాలని ప్రార్ధన చేశారు. ఏ సంబంధమూ లేకున్నా మానవత్వాన్ని ప్రదర్శిస్తూ అనాధ శవానికి అంత్యక్రియలు జరిపిన పోలీసుల ఔదార్యాన్ని పలువురు మెచ్చుకున్నారు.

 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.