close

తాజా వార్తలు

Published : 19/09/2020 00:29 IST
Facebook Share Twitter Share WhatsApp Share Telegram Share

నీటిలో మొసలా.. నాకేం భయం?

వైరలవుతున్న సాహసికుడి వీడియో

ఇంటర్నెట్‌ డెస్క్‌: మనం నీటిలో ఉన్నపుడు ఓ పెద్ద మొసలి నోరు తెరుచుకుని మన వద్దకు వస్తే ఏం చేస్తాం? బతుకు జీవుడా.. అంటూ పరిగెడతాం. అసలు ఆ దృశ్యాన్ని చూస్తేనే గుండె ఆగినంత పనవుతుంది. కానీ మాట్‌ రైట్‌ అనే ఓ సాహసికుడు అలా చేయలేదు. మొసలిని మచ్చిక చేసుకుంటూ ఆ తర్వాత తన చేతితో మెల్లగా నెట్టేశాడు. ఈ సంఘటనకు సంబంధించిన వీడియో తీసి.. దానిని సామాజిక మాధ్యమాల్లో కూడా ఉంచాడు. ఇంతకీ ఆ వీడియోలో ఏముందంటే..

ఆస్ట్రేలియాకు చెందిన మాట్‌ రైట్‌, మరో వ్యక్తితో కలసి అక్కడి ఓ నది ప్రవాహానికి అడ్డంగా ఉన్న కర్ర దుంగలను తొలగించే పనిలో ఉన్నాడు. ఈలోగా 13 అడుగుల పొడవున్న ఓ భారీ మొసలి అక్కడికి వచ్చింది. మాట్‌ ఏ మాత్రం భయపడకుండా సిట్‌.. (కూర్చో), స్టే (ఉండు) గో అవే.. (వెళ్లిపో) అంటూ దానితో మాట్లాడాడు. అనంతరం దాన్ని వెళ్లిపోమంటూ చేతితో ముందుకు నెట్టాడు. ఇక ఈ వీడియోను కొన్ని లక్షల మంది చూశారు. వారిలో కొందరు.. ‘‘ఏంటి అతను కుక్క పిల్లతో మాట్లాడినట్టు మాట్లాడుతున్నాడు!’’ అని ఆశ్చర్యపోయారు. అయితే ‘బోన్‌క్రంచర్‌’ అనే పేరున్న ఈ మొసలి తనకు చాలా సంవత్సరాలుగా ‘తెలుసని’.. అది చాలా ‘ప్రశాంతంగా’ ఉంటుందని మాట్‌ రైట్‌ చెప్పటం విశేషం. అయితే, ఎవరూ తనలా అనుకరించవద్దని కూడా అతను హెచ్చరించాడు!



Tags :

జనరల్‌

రాజకీయం

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.