close

తాజా వార్తలు

గల్లా జయదేవ్‌కు బెయిల్‌ మంజూరు

మంగళగిరి: అమరావతి అసెంబ్లీ ముట్టడి కార్యక్రమంలో పాల్గొని అరెస్టయిన తెదేపా ఎంపీ గల్లా జయదేవ్‌కు న్యాయస్థానం బెయిల్‌ మంజూరు చేసింది. సోమవారం ఆయన్ను అరెస్ట్‌ చేసిన పోలీసులు మంగళగిరి మెజిస్ట్రేట్‌ ముందు హాజరుపరచగా రిమాండ్‌ విధించారు. దీంతో ఆయన్ను మంగళవారం తెల్లవారుజామున గుంటూరు సబ్‌జైలుకు తరలించారు. ఈ నేపథ్యంలో జయదేవ్‌ తరఫు న్యాయవాదులు దరఖాస్తు చేయగా రూ.10వేల వ్యక్తిగత పూచీకత్తుపై మంగళగిరి న్యాయస్థానం బెయిల్‌ మంజూరు చేసింది.

గల్లా జయదేవ్‌ సోమవారం ఉదయం పోలీసుల నిఘా, నిషేధాజ్ఞలను దాటుకుని అసెంబ్లీ ముట్టడి కార్యక్రమానికి వ్యూహాత్మకంగా చేరుకున్నారు. దీంతో పోలీసులు ఆయన్ను అడ్డుకొన్నారు. ఈ క్రమంలో పోలీసులు, జయదేవ్‌కు మధ్య పెనుగులాట జరిగి ఆయన చొక్కా సైతం చిరిగిపోయింది. దీంతో పోలీసులు జయదేవ్‌ను అదుపులోకి తీసుకుని దుగ్గిరాల, పెదకాకాని, గుంటూరు మీదుగా నరసరావుపేట.. అక్కడి నుంచి రొంపిచర్ల స్టేషన్‌కు తరలించారు.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.