close
Array ( ) 1

తాజా వార్తలు

Published : 14/03/2020 00:41 IST
Facebook Share Twitter Share WhatsApp Share Telegram Share

రాష్ట్రానికి కోతలే తప్ప వచ్చిందేమీ లేదు:హరీశ్‌ రావు

హైదరాబాద్: రాష్ట్ర బడ్జెట్‌ ప్రజలకు ఆశాజనకంగా ఉంటే ప్రతిపక్షాలకు మాత్రం నిరాశాజనకంగా ఉందని ఆర్థిక శాఖ మంత్రి హరీశ్‌ రావు అన్నారు. శాసన మండలిలో బడ్జెట్‌పై ప్రతిపక్షాలు అడిగిన ప్రశ్నలకు మంత్రి సమాధానమిచ్చారు. రాష్ట్రంలో ఇంజినీరింగ్‌ అభ్యసిస్తున్న విద్యార్థుల సంఖ్య తగ్గుతోందన్నారు. విద్యార్థులు ఇతర కోర్సుల్లో చేరేందుకు ఆసక్తి చూపుతుండటంతోనే ఫీజు రీఎంబర్స్‌మెంట్‌ నిధులు తగ్గాయని వివరించారు. సభ్యులు రాష్ట్ర అప్పులను జీఎస్డీపీని దృష్టిలో పెట్టుకొని చూడాలన్నారు. ఎఫ్‌ఆర్‌బీఎం పరిధిలోని 21.3 శాతం లోబడే అప్పులు తీసుకున్నట్లు సభకు తెలిపారు. 24 రాష్ట్రాలు ఎఫ్‌ఆర్‌బీఎం పరిధి దాటి అప్పులు తీసుకున్నాయని అయితే తెలంగాణ మాత్రం పరిధిలోనే ఉందని పేర్కొన్నారు. రాష్ట్ర ఆదాయం పెంపుకోసం ప్రత్యేక దృష్టి సారించినట్లు చెప్పారు. అనేక శాఖల నుంచి విద్యారంగానికి బడ్జెట్‌లో 12.4 శాతం నిధులు ఖర్చు చేస్తున్నామన్నారు.

రాష్ట్రం ఏర్పడిన తర్వాత ఇప్పటి వరకు 1.23 లక్షల మందికి కొత్తగా ఉద్యోగాలు వచ్చాయని తెలిపారు. కేంద్రం నుంచి రాష్ట్రానికి కోతలే తప్ప నిధులు వచ్చిందేమీ లేదన్నారు. కేంద్రం నుంచి ఫిబ్రవరి నెలకు సంబంధించిన జీఎస్టీ బకాయిలు రూ.9,033 కోట్లు రావాలని సభ్యులకు హరీశ్‌ తెలియజేశారు. వెనుకబడిన జిల్లాల అభివృద్ధి కోసం కేంద్రం ఇవ్వాల్సిన రూ.450 కోట్లు ఇప్పటి వరకు ఇవ్వలేదన్నారు. అదేవిధంగా 14వ ఆర్థిక సంఘం నుంచి కూడా రూ.395 కోట్లు నిధులు రావాల్సి ఉందని ప్రకటించారు. పీఆర్సీపై త్వరలోనే ముఖ్యమంత్రి కేసీఆర్‌ తగిన నిర్ణయం తీసుకుంటారని చెప్పారు. మండల, జిల్లా పరిషత్‌లకు గ్రామపంచాయతీ తరహాలో నిధులు కేటాయిస్తామని మంత్రి వెల్లడించారు. దశల వారీగా పాత జిల్లా కేంద్రాల్లో మెడికల్ కాలేజీలు ఏర్పాటు చేస్తామని, త్వరలో యూనివర్సిటీల్లో ఉద్యోగాల నియామకాలు పూర్తి చేస్తామని మంత్రి హరీశ్‌ రావు ప్రకటించారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.