close

తాజా వార్తలు

టాప్‌ 10 న్యూస్ @ 9 PM

1. కొత్త చట్టాలొక్కటే పరిష్కారం కాదు: ఉపరాష్ట్రపతి

మహిళలపై జరుగుతున్న దురాగతాలను అరికట్టడానికి కొత్త చట్టాలను తీసుకురావడమొక్కటే పరిష్కారం కాదని ఉపరాష్ట్రపతి వెంకయ్యనాయుడు అన్నారు. అందుకు రాజకీయ సంకల్పం, పాలనా నైపుణ్యాలు అవసరమని అభిప్రాయపడ్డారు. అప్పుడే ఇలాంటి దురాగతాలను అరికట్టడం సాధ్యమని చెప్పారు. ఇటీవల హైదరాబాద్‌, ఉన్నావ్‌లో మహిళలపై జరిగిన దాడుల నేపథ్యంలో ఇక్కడి సింబియాసిస్‌ అంతర్జాతీయ యూనివర్సిటీ 16వ స్నాతకోత్సవ కార్యక్రమంలో ఆదివారం పాల్గొన్న సందర్భంగా ఉప రాష్ట్రపతి మాట్లాడారు. పూర్తి వార్త కోసం క్లిక్‌ చేయండి

2. దిశ కుటుంబ సభ్యుల వాంగ్మూలం నమోదు

దిశ హత్యకేసు, నిందితుల ఎన్‌కౌంటర్‌కు సంబంధించి జాతీయ మానవహక్కుల కమిషన్‌ (ఎన్‌హెచ్‌ఆర్‌సీ) విచారణ కొనసాగుతోంది. విచారణలో భాగంగా  ‘దిశ’ తండ్రి, సోదరి ఎన్‌హెచ్‌ఆర్‌సీబృందం ఎదుట హాజరయ్యారు. శంషాబాద్‌లోని దిశ నివాసానికి వచ్చిన పోలీసులు.. ప్రత్యేక ఎస్కార్ట్‌ వాహనంలో వారిని రాష్ట్ర పోలీస్‌ అకాడమీకి తీసుకెళ్లారు. ఎన్‌హెచ్‌ఆర్‌సీ బృందం అరగంటపాటు దిశ తండ్రి, సోదరిని విచారించి వివరాలు సేకరించారు. నిందితుల ఎన్‌కౌంటర్‌పై వారి వాంగ్మూలాన్ని తీసుకున్నారు. ఘటన జరిగినరోజు, ఆ తర్వాతి రోజు పరిణామాలపై ఆరా తీశారు. పూర్తి వార్త కోసం క్లిక్‌ చేయండి

3. మద్యాన్ని ఆదాయవనరుగా భావించం:ఏపీమంత్రి

సమాజంలో ఎన్నో అనర్థాలకు మద్యమే కారణమని.. మూడేళ్లలో రాష్ట్రం నుంచి మద్యాన్ని వెలివేసేందుకు ప్రభుత్వం చిత్తశుద్ధితో కృషి చేస్తోందని ఏపీ ఉప ముఖ్యమంత్రి, ఎక్సైజ్‌శాఖ మంత్రి నారాయణ స్వామి అన్నారు. మద్యాన్ని ఆదాయ వనరుగా తాము భావించడం లేదని చెప్పారు. గుంటూరులోని కొరిటిపాడులో మద్య విమోచన ప్రచార కమిటీ రాష్ట్ర కార్యాలయాన్ని ఉప ముఖ్యమంత్రి ప్రారంభించారు. ఈ సందర్భంగా మీడియాతో ఆయన మాట్లాడుతూ మద్య నిషేధంతో రోడ్డు ప్రమాదాలు తగ్గాయని.. జగన్‌ ప్రభుత్వం నిర్ణయంతో ఎన్నో కుటుంబాలు కుదుటపడుతున్నాయని చెప్పారు. పూర్తి వార్త కోసం క్లిక్‌ చేయండి

4. ఎన్‌ఆర్‌సీ బిల్లును వ్యతిరేకిస్తున్నాం: డి.రాజా

సీపీఐ జాతీయ సమావేశాలు ముగిశాయి. ఈ సందర్భంగా హిమాయత్‌నగర్‌లోని రాష్ట్ర కార్యాలయంలో ఏర్పాటు చేసిన మీడియా సమావేశంలో సీపీఐ జాతీయ ప్రధాన కార్యదర్శి డి.రాజా మాట్లాడారు.‘‘ రెండు రోజుల పాటు జరిగిన జాతీయ సమావేశాల్లో తాజా రాజకీయ పరిణామాలు, దేశ ఆర్థిక పరిస్థితులపై చర్చించాం. కశ్మీర్‌లో ఆర్టికల్‌ 370 ప్రజాస్వామ్య విరుద్ధంగా తీసుకొచ్చారు. మోదీ, అమిత్‌ షా... జమ్ముకశ్మీర్‌ పరిస్థితులను పూర్తిగా అవగతం చేసుకోలేదు. ఎన్‌ఆర్‌సీ బిల్లును వ్యతిరేకిస్తున్నాం. ప్రధాని మోదీ రాజ్యాంగ విరుద్ధంగా బిల్లు తీసుకురావాలని చూస్తున్నారు’’ అని చెప్పారు. పూర్తి వార్త కోసం క్లిక్‌ చేయండి

5. క్రమశిక్షణతో ఉంటే జనసేన గెలిచేది:పవన్‌

రాష్ట్రంలో కులాలకు అతీతంగా రైతు పథకాలు అమలు చేయాలని జనసేన అధినేత పవన్‌కల్యాణ్‌ ప్రభుత్వాన్ని డిమాండ్‌ చేశారు. రైతుకు గిట్టుబాటు ధర ఇవ్వకుంటే ఈనెల 12న కాకినాడలో దీక్ష చేస్తానని.. ఆ తర్వాత పరిస్థితులు ఎలా చేయిదాటతాయో చెప్పలేనని ఆయన వ్యాఖ్యానించారు. తూర్పుగోదావరి జిల్లా మండపేటలో జనసేన ఆధ్వర్యంలో నిర్వహించిన రైతు సదస్సులో పవన్‌ మాట్లాడారు. ఈ సభకు భారీగా జనసేన కార్యకర్తలు హాజరయ్యారు. అరుపులు, కేకలతో కార్యకర్తలు అత్యుత్సాహం ప్రదర్శించడంతో పవన్‌ తీవ్ర అసహనం వ్యక్తం చేశారు. జనసైనికులకు క్రమశిక్షణ లేకే ఓడిపోయానని ఆయన వ్యాఖ్యానించారు. పూర్తి వార్త కోసం క్లిక్‌ చేయండి

6. దిల్‌సుఖ్‌నగర్‌లో సందడి చేసిన కథానాయిక నభానటేష్‌

7. చట్టాల సవరణలకు సంకల్పించాం: అమిత్‌షా

హత్యాచారం వంటి తీవ్ర నేరాల్లో న్యాయం ఆలస్యం అవుతుండడంతో ఐపీసీ, సీఆర్‌పీసీ చట్టాలను సవరించాలని ప్రభుత్వం సంకల్పించినట్లు కేంద్ర హోంమంత్రి అమిత్‌షా తెలిపారు. ఈ విషయమై చట్టంలో ఎలాంటి మార్పులు చేస్తే బాగుంటుందని సలహాలు కోరుతూ రాష్ట్రాలకు లేఖ రాసిన తర్వాత రోజే అమిత్‌షా ఈ నిర్ణయాన్ని వెల్లడించారు. ప్రస్తుత ప్రజాస్వామ్యానికి అనుకూలంగా హత్యాచారం వంటి తీవ్రమైన నేరాల్లో శిక్ష ఆలస్యం కాకుండా ఉండేలా చట్టాల్లో సవరణలు చేయాల్సిన విషయాన్ని అమిత్‌షా నొక్కిచెప్పారు. పూర్తి వార్త కోసం క్లిక్‌ చేయండి

8. పీఎంవోలో అధికారాలు కేంద్రీకృతం

దేశం ఆర్థిక మాంద్యం ఎదుర్కొంటున్న వేళ.. కేంద్ర ప్రభుత్వం అనుసరిస్తున్న విధానాలపై ఆర్‌బీఐ మాజీ గవర్నర్‌ రఘురాం రాజన్‌ విమర్శలు చేశారు. దేశ ఆర్థిక వ్యవస్థను గట్టెక్కించే విషయంలో సూచనలిస్తూ ఓ పత్రికలో వ్యాసం రాసిన ఆయన.. ప్రధాన మంత్రి కార్యాలయం (పీఎంవో)పై విమర్శలు గుప్పించారు. అధికారాలన్నీ పీఎంవోలోనే కేంద్రీకృతమయ్యాయని విమర్శించారు. మంత్రుల చేతిలో అధికారం లేకపోవడం వల్ల దేశ ఆర్థిక వ్యవస్థ తీవ్ర సంక్షోభంలో చిక్కుకునే సూచనలు కనిపిస్తున్నాయని అన్నారు. పూర్తి వార్త కోసం క్లిక్‌ చేయండి

9.  మాదాపూర్‌లో హై లైఫ్‌ ఎగ్జిబిషన్‌లో సందడి చేసిన మోడళ్లు

10. ‘నేను చనిపోతున్నా.. నా ఫ్యామిలీ జాగ్రత్త’

 ‘‘నా చుట్టూ మంటలు అలముకున్నాయి. మహా అయితే రెండు మూడు నిమిషాలు బతుకుతా. నేను చెప్పదలచుకున్నది ఒకటే.. నా కుటుంబాన్ని చక్కగా చూసుకో’’ అంటూ దిల్లీ అగ్నిప్రమాద మృతుడి చివరి ఫోన్‌ కాల్‌ ఇప్పుడు అందరినీ కంటతడి పెట్టిస్తోంది. అతడి సంభాషణ రికార్డింగ్‌ బట్టి ప్రమాద సమయంలో మృతి చెందిన కార్మికులు చివరి నిమిషంలో పడిన వేదన అర్థమవుతోంది. ఓ వైపు అగ్నికీలలు ఎగసిపడుతున్నా.. తప్పించుకునే పరిస్థితి లేక మంటలకు ఆహుతైనట్లు తెలుస్తోంది. పూర్తి వార్త కోసం క్లిక్‌ చేయండి


Tags :

జనరల్‌

రాజకీయం

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.