వేర్వేరుగా ఉరిపై విచారణ వాయిదా
close

తాజా వార్తలు

Updated : 25/02/2020 12:20 IST
Facebook Share Twitter Share WhatsApp Share Telegram Share Link Share

వేర్వేరుగా ఉరిపై విచారణ వాయిదా

దిల్లీ: సంచలనం సృష్టించిన నిర్భయ అత్యాచారం, హత్య కేసులో దోషులను వేర్వేరుగా ఉరితీసేలా ఆదేశాలివ్వాలంటూ కేంద్రం వేసిన పిటిషన్‌పై విచారణ వాయిదా పడింది. ఈ పిటిషన్‌ను మార్చి 5న విచారిస్తామని జస్టిస్‌ ఆర్‌ భానుమతి నేతృత్వంలోని ధర్మాసనం వెల్లడించింది. 

నిర్భయ దోషుల ఉరితీత పలుమార్లు వాయిదా పడుతున్న నేపథ్యంలో దోషులను వేర్వేరుగా ఉరితీయాలంటూ కేంద్ర హోంశాఖ దిల్లీ హైకోర్టును ఆశ్రయించింది. అయితే నిబంధనల ప్రకారం ఒకే కేసుకు సంబంధించిన దోషులను వేర్వేరుగా ఉరితీయడం కుదరదని చెబుతూ కేంద్రం పిటిషన్‌ను హైకోర్టు కొట్టేసింది. దీంతో హైకోర్టు తీర్పును సవాల్‌ చేస్తూ సుప్రీంకోర్టులో పిటిషన్‌ దాఖలైంది. ఈ పిటిషన్‌ నేడు విచారణకు రాగా.. ఈ కేసులో దోషుల ఉరికి కొత్త డెత్‌ వారెంట్లు జారీ అయినట్లు అదనపు సొలిసిటర్‌ జనరల్‌ కోర్టుకు తెలిపారు. ఈ నేపథ్యంలో కేంద్రం పిటిషన్‌పై విచారణను ధర్మాసనం మార్చి 5కు వాయిదా వేసింది. నిర్భయ దోషులను మార్చి 3న ఉరితీసేందుకు ఇటీవల పటియాలా హౌస్‌ కోర్టు కొత్త డెత్‌ వారెంట్లు జారీ చేసిన విషయం తెలిసిందే. 


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని