close

తాజా వార్తలు

Published : 20/11/2020 01:53 IST
Facebook Share Twitter Share WhatsApp Share Telegram Share

అణచివేయాలని ప్రయత్నిస్తే ఊరుకోం: ఎంపీ అర్వింద్

హైదరాబాద్: గ్రేటర్‌ హైదరాబాద్ మున్సిపల్‌ కార్పొరేషన్‌ (జీహెచ్‌ఎంసీ) ఎన్నికల్లో మజ్లిస్‌ పార్టీతోనే భాజపాకు పోటీ అని.. తెరాసతో కాదని నిజామాబాద్ ఎంపీ ధర్మపురి అర్వింద్ అన్నారు. వరద బాధితులకు ప్రభుత్వం పరిహారం ఇస్తుంటే భాజపా ఎందుకు అడ్డుకుంటుందని ప్రశ్నించారు. హైదరాబాద్‌లోని భాజపా రాష్ట్ర కార్యాలయంలో ఆయన మీడియాతో మాట్లాడుతూ తెరాసపై విమర్శనాస్త్రాలు సంధించారు. మజ్లిస్‌తో దోస్తీ చేస్తున్న సీఎం కేసీఆర్‌ రాష్ట్రంలోని ముస్లింలకు ఏం చేశారో చెప్పాలని డిమాండ్ చేశారు. కేంద్రంపై యుద్ధం ప్రకటించాలాంటే ముందుగా ఫామ్ హౌజ్ నుంచి కేసీఆర్ బయటకు రావాలని ఎద్దేవా చేశారు. రాష్ట్ర ఎన్నికల సంఘం పూర్తి స్థాయిలో తెరాస కనుసన్నల్లో నడుస్తోందని.. ఈ విషయంలో కొంతమంది అధికారులపై ఫిర్యాదు చేయబోతున్నామని ఈ సందర్భంగా అర్వింద్‌ చెప్పారు. జీహెచ్ఎంసీ కమిషనర్లను బదిలీ చేయమని లేఖ రాస్తామని అన్నారు. ఎన్నికల్లో భాజపాను అణచివేయాలని పోలీసులు ప్రయత్నిస్తే ఊరుకోమని అర్వింద్‌ హెచ్చరించారు.


Tags :
జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని