close
Array ( ) 1

తాజా వార్తలు

Published : 01/07/2020 23:02 IST
Facebook Share Twitter Share WhatsApp Share Telegram Share

ఉపాధిపై క‌రోనా మ‌హ‌మ్మారి పిడుగు!

అభివృద్ధి చెందిన దేశాల్లో తీవ్ర న‌ష్టం

పూర్వస్థాయిని చేరుకోవ‌డం క‌ష్ట‌మే! - ILO నివేదిక

జెనీవా: ప్ర‌పంచ‌వ్యాప్తంగా విల‌య‌తాండ‌వం చేస్తోన్న క‌రోనా వైర‌స్ మ‌హ‌మ్మారి ప్ర‌భావంతో వ్య‌వ‌స్థ‌ల‌న్నీ స్తంభించిపోయాయి. ఈ కార‌ణంతో ప్ర‌పంచ‌వ్యాప్తంగా నిరుద్యోగిత భారీ స్థాయిలో పెరిగిపోయింది. ఈ సంవ‌త్స‌రం రెండో త్రైమాసికానికి ప్ర‌పంచ కార్మిక మార్కెట్లో భారీ అనిశ్చితి ఏర్ప‌డింది. దీంతో, ఈ సంవ‌త్స‌రంలో ఉపాధి క‌ల్ప‌న స్థాయి పూర్వస్థితికి (మ‌హ‌మ్మారికి ‌ముందు) వ‌చ్చే అవ‌కాశా‌లు క‌నిపించ‌డం లేద‌ని అంత‌ర్జాతీయ కార్మిక సంస్థ‌(ఐఎల్ఓ) తాజా నివేదిక వెల్ల‌డించింది.

ప్ర‌పంచ‌వ్యాప్తంగా ప‌నిగంట‌లు భారీ స్థాయిలో త‌గ్గిపోయాయ‌ని, ఇది ఈ సంవ‌త్స‌రం ప్రారంభంలో అంచ‌నా వేసినదానికంటే దారుణంగా ఉన్న‌ట్లు ఐఎల్ఓ వెల్ల‌డించింది. ఈ ప్ర‌భావంతో ముఖ్యంగా అమెరిక‌న్లే అత్య‌ధికంగా న‌ష్ట‌పోతున్న‌ట్లు తెలిపింది. అక్క‌డ ఇప్ప‌టికే దాదాపు 18.3శాతం ప‌నిగంట‌లు కోల్పోయిన‌ట్లు ఐఎల్ఓ పేర్కొంది. ముఖ్యంగా అభివృద్ధి చెందిన దేశాల్లో ఈ ప‌రిస్థితి మ‌రింత దారుణంగా ఉంద‌ని ఐఎల్ఓ నివేదిక వెల్ల‌డించింది. అంతేకాకుండా ఈ మ‌హ‌మ్మారి మ‌హిళా కార్మికుల‌పైనా అత్యంత ప్ర‌తికూల ప్ర‌భావాన్ని చూపిన‌ట్లు పేర్కొంది. రియ‌ల్ ఎస్టేట్‌ రంగంతోపాటు రిటైల్‌, హోట‌ల్ ఇండ‌స్ట్రీ కుదేలు కావ‌డంతో మ‌హిళా కార్మికుల ఉపాధిపై పిడుగుప‌డింద‌ని ఈ నివేదిక స్ప‌ష్టం చేసింది.

క‌రోనా కార‌ణంగా ఏర్ప‌డ్డ ప‌రిస్థితుల‌తో ఈ సంవ‌త్స‌రం రెండో త్రైమాసికానికి ప్ర‌పంచ‌వ్యాప్తంగా దాదాపు 14శాతం ప‌నిగంట‌లు కోల్పోయార‌ని, ఇది 40కోట్ల పూర్తిస్థాయి ఉద్యోగాల‌కు స‌మాన‌మ‌ని అంచ‌నా వేసింది. మ‌రికొంత కాలం‌ ఈ ప్ర‌తికూల ఫ‌లితాలే కొన‌సాగే అవ‌కాశం ఉన్న‌ట్లు అభిప్రాయ‌ప‌డింది. నాలుగో త్రైమాసికంనాటికి ఈ ప‌నిగంట‌ల‌ న‌ష్టం 4.9శాతంగా ఉండ‌నుంద‌ని లెక్క‌క‌ట్టింది. ఇది దాదాపు 14కోట్ల పూర్తిస్థాయి ఉద్యోగాల‌తో స‌మాన‌మ‌ని తెలిపింది. ఒక‌వేళ రెండోద‌ఫా మ‌హ‌మ్మారి విజృంభిస్తే మాత్రం ఈ ప‌నిగంట‌ల‌ న‌ష్టం 11.9శాతానికి పెరిగే అవ‌కాశం ఉన్న‌ట్లు ఐఎల్ఓ అంచ‌నా వేసింది.

త‌క్కువ గంట‌లు ప‌నిచేసే, ఉద్యోగాలు కోల్పోయినవారిని, కార్మిక శ‌క్తినుంచి వైదొలిగిన వారిని ప‌రిగ‌ణ‌లోకి తీసుకొని ఈ గ‌ణాంకాలు రూపొందించిన‌ట్లు ఐఎల్ఓ డైరెక్ట‌ర్ జ‌న‌ర‌ల్ గై రైడ‌ర్ జ‌నీవాలో జ‌రిగిన విలేక‌రుల స‌మావేశంలో వెల్ల‌డించారు. ప్ర‌పంచ‌వ్యాప్తంగా దిగ‌జారుతున్న ప‌రిస్థితుల‌కు ఇవి అద్దం ప‌డుతున్నాయ‌ని అన్నారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.