10వేల మందికి ఆక్స్‌ఫర్డ్‌ టీకా

లండన్‌: కరోనా వైరస్‌ కట్టడి కోసం రూపొందించిన ప్రయోగాత్మక టీకాపై తదుపరి పరీక్షలు చేపట్టాలని బ్రిటన్‌లోని ఆక్స్‌ఫర్డ్‌ విశ్వవిద్యాలయ పరిశోధకులు నిర్ణయించారు. ఈ వ్యాక్సిన్‌ను గతనెల తొలివిడతగా వెయ్యి మందికి ఇచ్చారు. వ్యాక్సిన్‌ సురక్షితమైనదేనా అన్నది నిర్ధారించడం ఆ పరీక్ష ఉద్దేశం. రెండో విడతలో దేశవ్యాప్తంగా 10,260 మందికి టీకా ఇవ్వనున్నట్లు శాస్త్రవేత్తలు తెలిపారు. ‘‘వృద్ధుల్లో ఈ టీకా వల్ల రోగనిరోధక వ్యవస్థ స్పందన ఎలా ఉంది, ప్రజలకు ఇది రక్షణ కల్పిస్తుందా అన్నది ఈసారి పరీక్షిస్తాం’’ అని ఆక్స్‌ఫర్డ్‌ వ్యాక్సిన్‌ గ్రూప్‌ అధిపతి ఆండ్రూ పొలార్డ్‌ పేర్కొన్నారు.