close
Array ( ) 1

తాజా వార్తలు

Updated : 24/05/2020 12:02 IST
Facebook Share Twitter Share WhatsApp Share Telegram Share

ఆ ప్రయోగ విజయావకాశాలు 50శాతమే!

ఇంటర్నెట్‌ డెస్క్‌: కరోనా వైరస్‌ వ్యాక్సిన్‌ కోసం ప్రపంచవ్యాప్తంగా చాలా సంస్థలు పోటీపడుతున్నాయి. ఈ విషయంలో ఆక్స్‌ఫర్డ్‌ యూనివర్సిటీ అన్నింటికంటే ముందున్నట్లు తాజాగా వార్తలు వచ్చిన విషయం తెలిసిందే. కరోనా వైరస్‌ కట్టడి కోసం రూపొందించిన ఈ ప్రయోగాత్మక టీకాపై తదుపరి పరీక్షలు చేపట్టాలని బ్రిటన్‌లోని ఆక్స్‌ఫర్డ్‌ విశ్వవిద్యాలయ పరిశోధకులు తాజాగా నిర్ణయించారు. తొలి దశ ప్రయోగంలో మెరుగైన ఫలితాలు రావడంతో వ్యాక్సిన్‌ అభివృద్ధిలో కీలకమైన రెండో దశలో దాదాపు 10వేల మంది వాలంటీర్లపై ప్రయోగించేందుకు ఆక్స్‌ఫర్డ్‌ సిద్ధమైంది. అయితే ఈ వ్యాక్సిన్‌ ప్రయోగ విజయావకాశాలు కేవలం 50శాతమేనని వ్యాక్సిన్‌ అభివృద్ధిచేస్తున్న ఆక్స్‌ఫర్డ్‌ జెన్నెర్‌ ఇన్‌స్టిట్యూట్‌ డైరక్టర్‌ ప్రొఫెసర్‌ అడ్రియన్‌ హిల్‌ అభిప్రాయపడ్డారు.

ప్రస్తుతం కొవిడ్‌-19 వ్యాక్సిన్‌ అభివృద్ధికి జరుగుతున్న పోటీలో ఆక్స్‌ఫర్డ్‌ తయారుచేసిన ChAdOx1 nCoV-19 అనే వ్యాక్సిన్‌ ప్రయోగదశల్లో ముందంజలో ఉన్నట్లు ఇప్పటికే శాస్త్రవేత్తలు వెల్లడించారు. ఇలాంటి కీలక సమయంలో బ్రిటన్‌లో ఈ వైరస్‌ వ్యాప్తి తగ్గుముఖం పట్టడం ప్రయోగానికి అడ్డంకిగా మారే అవకాశం ఉన్నట్లు శాస్త్రవేత్తలు భావిస్తున్నారు. సమూహంలో వైరస్‌ వ్యాప్తి తక్కువగా ఉన్నందున ఈ పదివేల మంది వాలంటీర్లలో ఫలితం కనిపించకపోవచ్చనే ఆందోళన నెలకొందని అడ్రియన్‌ హిల్‌ అన్నారు. వైరస్‌ అదృశ్యం, సమయంపై ఈ వ్యాక్సిన్‌ ప్రయోగం ఆధారపడి ఉందని ఓ అంతర్జాతీయ పత్రికకు ఇచ్చిన ఇంటర్వ్యూలో అడ్రియన్‌ హిల్‌ వెల్లడించారు. ఇలాంటి సమయంలో 50శాతం ఫలితాలు రాకపోవచ్చని అంచనా వేస్తున్నట్లు అడ్రియన్‌ హిల్‌ పేర్కొన్నారు. ప్రముఖ మందుల తయారీ సంస్థ ఆస్ట్రాజెనెకాతో కలిసి ఆక్స్‌ఫర్డ్‌ ఈ వ్యాక్సిన్‌ అభివృద్ధికి కృషి చేస్తోన్న విషయం తెలిసిందే. 

గత ఏప్రిల్‌లో తొలిదశ ప్రయోగాల్లో భాగంగా మానవుల్లో ప్రయోగాత్మక పరిశోధనలు చేపట్టారు. తొలిదశలో మెరుగైన ఫలితాలు కనిపించడంతో ఈ వ్యాక్సిన్‌పై అంచనాలు మరింత పెరిగాయి. అయితే ఏప్రిల్‌ నెలలో బ్రిటన్‌లో అత్యంత ప్రభావం చూపిన కొవిడ్‌ మహమ్మారి తీవ్రత మే నెలలో తగ్గుతూ వస్తోంది. ఈ సమయంలోనే వ్యాక్సిన్ ప్రయోగ విజయావకాశాలపై ఆందోళన నెలకొంది. బ్రిటన్‌లో ఇప్పటివరకు 2,57,000 మందికి ఈ వైరస్‌ సోకగా వీరిలో ఇప్పటివరకు 36వేల మంది మృత్యువాతపడ్డారు. ఇదిలా ఉంటే, ప్రపంచవ్యాప్తంగా కరోనా వైరస్‌ బాధితుల సంఖ్య 54లక్షలకు చేరుకోగా వీరిలో ఇప్పటివరకు 3లక్షల 40వేల మంది ప్రాణాలు కోల్పోయారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.