close

తాజా వార్తలు

Updated : 12/11/2020 15:49 IST
Facebook Share Twitter Share WhatsApp Share Telegram Share

అవకాశం రానివారికీ ధన్యవాదాలు: రోహిత్‌

నిరాశ చెందకుండా జట్టు ముందుకు సాగేలా ప్రోత్సహించారు

ఇంటర్నెట్‌డెస్క్‌: ముంబయి వరుసగా రెండో ఏడాది టీ20 లీగ్‌ ఛాంపియన్‌గా నిలిచింది. మంగళవారం దిల్లీని చిత్తు చేసి ఐదోసారి విజేతగా అవతరించింది. దీంతో ఆ జట్టు ఆనందానికి అవధులు లేకుండా పోయాయి. ఈ క్రమంలోనే కెప్టెన్‌ రోహిత్‌శర్మ తన ఆటగాళ్లతో డ్రెస్సింగ్‌ రూమ్‌లో సమావేశమయ్యాడు. ఈ టోర్నీ జరిగినన్ని రోజులూ క్రమశిక్షణతో మెలిగారని సభ్యులను అభినందించారు. పలువురికి అవకాశాలు రాకపోయినా నిరాశచెందకుండా జట్టు ముందుకు సాగడానికి కృషిచేశారని చెప్పాడు. ఈ వీడియోను ముంబయి గురువారం ట్విటర్‌లో పంచుకుంది. 

‘ముందుగా మనందరికీ అభినందనలు. ఇదో గొప్ప సీజన్‌. అయితే, మన సీజన్‌ ప్రారంభమైంది ఆగస్టులో కాదు. అంతకన్నా ముందు జూన్‌లోనే. లాక్‌డౌన్‌ లాంటి కష్టతరమైన సమయంలోనే అది మొదలైంది. ఇక యూఏఈకి వచ్చాక అంతా కొత్త వాతావరణం నెలకొంది. బయటకు వెళ్లలేని పరిస్థితుల్లో కూడా ఆటగాళ్లంతా క్రమశిక్షణతో మెలిగారు. హోటల్‌ గదులకే పరిమితమయ్యారు. మైదానంలోనూ ఎంతో నిబద్ధతగా కొనసాగారు. అందుకే ఇప్పుడు ట్రోఫీతో నిలిచాం. అలాగే ఈ సీజన్‌లో ఆడే అవకాశం రాని వారికి ధన్యవాదాలు. తుది జట్టులో లేమనే నిరాశ చెందకుండా నిరంతరం అండగా నిలిచారు’ అని రోహిత్‌ పేర్కొన్నాడు. 

అలాగే ఈ సందర్భంగా తమ సహాయక సిబ్బందికి, వైద్య బృందానికి కూడా ముంబయి కెప్టెన్‌ ప్రత్యేక కృతజ్ఞతలు తెలిపాడు. లీగ్‌ దశలో గాయం బారిన పడిన తాను త్వరగా కోలుకునేందుకు వారు కృషిచేశారని చెప్పాడు. ఈ కారణంగా రోహిత్‌ పలు మ్యాచ్‌ల్లో ఆడని సంగతి తెలిసిందే. అనంతరం కోలుకొని ప్లేఆఫ్స్‌లో ఆడినా విఫలమయ్యాడు. ఇక ఫైనల్లో కెప్టెన్‌ ఇన్నింగ్స్‌ (68) ఆడి జట్టుకు మరో టైటిల్‌ను అందించాడు. 



Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన