close

తాజా వార్తలు

‘డమ్మీ కాన్వాయ్‌తో ట్రయల్‌ రన్‌..సిగ్గుచేటు’

సీఎం జగన్‌పై దేవినేని ఉమ ధ్వజం

అమరావతి: హైదరాబాద్‌లో రియల్‌ ఎస్టేట్‌ పెరిగే విధంగా తెలంగాణ సీఎం కేసీఆర్‌తో ఏపీ సీఎం జగన్‌ ఒప్పందం చేసుకున్నారని.. అందుకే అమరావతిని చంపేస్తున్నారని తెదేపా సీనియర్‌ నేత, మాజీ మంత్రి దేవినేని ఉమ ఆరోపించారు. పాము తన పిల్లల్ని తానే చంపుకున్నట్లుగా జగన్‌ వ్యవహరిస్తున్నారని విమర్శించారు. పులివెందుల పులి డమ్మీ కాన్వాయ్‌తో ట్రయల్‌ రన్‌ నిర్వహించుకోవడం సిగ్గు చేటని ఆయన ఎద్దేవా చేశారు. మంగళగిరిలోని తెదేపా కార్యాలయంలో నిర్వహించిన మీడియా సమావేశంలో దేవినేని మాట్లాడారు. 

మావోయిస్టు ప్రభావిత ప్రాంతాల్లోనూ లేని బలగాలను అమరావతి ప్రాంతంలో మోహరిస్తున్నారని మండిపడ్డారు. తప్పు చేస్తున్నారు కాబట్టే సీఎం జగన్‌ ఇంతలా భయపడుతున్నారన్నారు. 10వేల మంది పోలీసుల బందోబస్తుతో అసెంబ్లీ నిర్వహించాల్సిన పరిస్థితి ఎందుకు వచ్చిందని నిలదీశారు. విశాఖలో ప్రజాబ్యాలెట్‌ను ప్రభుత్వం అడ్డుకుందని దేవినేని ఉమ ఆరోపించారు. అక్కడ 52వేల ఎకరాలు చేతులు మారాయని.. వీటన్నింటినీ అమ్ముకోవడానికే జగన్‌ రాజధానిని తరలిస్తున్నారని ఆరోపించారు. మూడు రాజధానులకు కృష్ణా జిల్లా వైకాపా నేతలు మద్దతు పలకడం సిగ్గుమాలిన చర్యగా దేవినేని అభివర్ణించారు.



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.