close
Array ( ) 1

తాజా వార్తలు

జగన్‌ రోజుకో పరిశ్రమను వెళ్లగొడుతున్నారు

తెదేపా అధికార ప్రతినిధి పట్టాభిరాం

మంగళగిరి: పదేపదే సీమ జపం చేసే సీఎం జగన్ మోహన్‌ రెడ్డి ఆ ప్రాంతంలోని పరిశ్రమలు రాష్ట్రం నుంచి వెళ్లిపోయేలా ఎందుకు వ్యవహరిస్తున్నారని తెదేపా అధికార ప్రతినిధి పట్టాభిరాం ప్రశ్నించారు. మంగళగిరిలోని తెదేపా రాష్ట్ర కార్యాలయంలో ఆయన మీడియాతో మాట్లాడారు. తెదేపా అధినేత చంద్రబాబు ఎంతో శ్రమించి రాష్ట్రానికి పరిశ్రమలు తీసుకొచ్చి మొబైల్‌ తయారీలో రాష్ట్రాన్ని అగ్రస్థానంలో నిలిపారన్నారు. అలాంటిది ఈరోజు సీఎం జగన్‌ రాష్ట్రం నుంచి రోజుకో పరిశ్రమను వెళ్లగొడుతున్నారని విమర్శించారు. మొన్న కియా, నిన్న ఫ్రాంక్లిన్‌ టెంపుల్టన్‌, నేడు రిలయన్స్‌.. ఇలా ఒక్కో పరిశ్రమ రాష్ట్రం వీడి వెళ్లిపోతున్నాయన్నారు. రాష్ట్రానికి చంద్రబాబు చేసిన కృషిని జాతీయ పత్రికలు సైతం కీర్తించాయని పట్టాభిరాం గుర్తు చేశారు. ఏపీలో చంద్రబాబు నెలకొల్పిన రియల్ టైమ్ గవర్నెన్స్ వ్యవస్థను చూసి ముఖేష్ అంబానీ సైతం ఆశ్చర్యపోయారని చెప్పారు. చిత్తూరు జిల్లా నుంచి రిలయన్స్ సంస్థను పంపేసేందుకు వైకాపా ప్రభుత్వం ప్రయత్నిస్తోందని ఆరోపించారు. అలాంటి ప్రయత్నాలు ఏం లేనట్లయితే రిలయన్స్ సంస్థకు కేటాయించిన భూములను వెనక్కు ఇవ్వాల్సిందిగా సంబంధిత తహసీల్దార్‌ చేత నోటీసులు ఎందుకు జారీ చేయించారని పట్టాభిరాం ప్రశ్నించారు. తెదేపా హయాంలో ఏపీఐఐసీ ద్వారా రిలయన్స్ సంస్థకు 136 ఎకరాలు కేటాయించారని.. వాటిలో 60 ఎకరాలు తిరిగివ్వాలని వైకాపా ప్రభుత్వం నోటీసులు జారీ చేసిందని తెలిపారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.