close

తాజా వార్తలు

Published : 17/11/2020 12:21 IST
Facebook Share Twitter Share WhatsApp Share Telegram Share

ఆ టీకా అద్భుతం: ఫౌచీ

వాషింగ్టన్: కొవిడ్-19ను అడ్డుకునేందుకు మోడెర్నా రూపొందించిన టీకా ప్రాథమిక ఫలితాలపై అమెరికా అంటువ్యాధుల నిపుణుడు ఆంటోనీ ఫౌచీ ప్రశంసల వర్షం కురిపించారు. ఆ టీకా పనితీరు తనను అద్భుతంగా ఆకట్టుకుందని మెచ్చుకున్నారు. కాగా, టీకా కోసం ఎదురుచూస్తోన్న ప్రపంచానికి సోమవారం మోడెర్నా శుభవార్త చెప్పింది. తాము రూపొందించిన టీకా మొదటి మధ్యంతర విశ్లేషణలో భాగంగా  94.5శాతం సమర్థతను చూపినట్లు వెల్లడించిన సంగతి తెలిసిందే.

ఈ క్రమంలో ఫౌచీ మీడియాతో మాట్లాడుతూ..‘70శాతం, ఎక్కువలో ఎక్కువ 75 శాతం సమర్థతతో పనిచేసే టీకాతోనే నేను సంతృప్తి చెందానని తప్పకుండా అంగీకరించాలి. మన దగ్గర 94.5 శాతం సమర్థతతో పనిచేసే టీకా ఉందనే విషయం అద్భుతంగా ఉంది. ఇది నిజంగా గొప్ప ఫలితం. ఇంత బాగా పనిచేసే టీకా లభిస్తుందని ఎవరూ ఊహించి ఉండరనుకుంటున్నాను’ అని ఆనందాన్ని వ్యక్తం చేశారు. ఇదిలా ఉండగా, చైనా కరోనావైరస్ జన్యుక్రమాన్ని అందజేసిన వెంటనే..జనవరిలో ఫౌచీ నేతృత్వంలోని నేషనల్ ఇనిస్టిట్యూట్ ఆఫ్ అలర్జీస్ అండ్ ఇన్ఫెక్షియస్ డిసీజెస్(ఎన్‌ఐడీఐడీ), యూఎస్‌ బయోటెక్ సంస్థతో కలిసి టీకా అభివృద్ధిని చేపట్టింది. దీనిలో ఎంఆర్‌ఎన్‌ఏ అనే కొత్త సాంకేతికతను ఉపయోగించారు. దీని ఆధారంగా ఇంతవరకు ఏ టీకాకు ఆమోదం లభించకపోవడం గమనార్హం. ఈ కొత్త పరిజ్ఞానాన్ని ఉపయోగించడంపై తాము విమర్శలు ఎదుర్కొన్నామని ఫౌచీ వెల్లడించారు. ఇక మేం నిరూపించుకోవాల్సింది ఏమీ లేదని, తాజాగా వెలువడిన డేటానే సమాధానమిస్తుందని విమర్శకులకు సమాధానమిచ్చారు. 

 


Tags :

జాతీయ-అంతర్జాతీయ

జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని