మహిళా వ్యాపారవేత్తకు బెదిరింపు కాల్స్‌
close

తాజా వార్తలు

Published : 28/04/2020 00:36 IST
Facebook Share Twitter Share WhatsApp Share Telegram Share Link Share

మహిళా వ్యాపారవేత్తకు బెదిరింపు కాల్స్‌

కేసు నమోదు చేసుకున్న పోలీసులు

ముంబయి: మురికివాడల్లో సామాజిక దూరంపై ఫేస్‌బుక్‌లో ఉంచిన ఒక వీడియోపై వ్యాఖ్యానించిన మహిళా వ్యాపారవేత్తకు బెదిరింపు కాల్స్‌ ఎదురవుతున్నాయి. మహారాష్ట్ర రాజధాని ముంబయిలోని గోరెగావ్‌ పోలీసుల వివరాల ప్రకారం.. ‘మురికివాడల్లో సామాజిక దూరం ఓ భ్రమ’గా పేర్కొంటూ తీసిన వీడియోను ఫేస్‌బుల్‌లో అప్‌లోడ్ చేసిన సామాజిక కార్యకర్తను ముంబైకి చెందిన ఓ స్టార్టప్ సహ యజమాని అయిన 33 ఏళ్ల మహిళ విమర్శించింది. ఆ వీడియోపై అనుచిత వ్యాఖ్యలు చేసిన తన కళాశాల మిత్రునిపై సైతం కోపం వ్యక్తం చేసింది. దీనిపై స్పందించిన సదరు మిత్రుడు ఆమెకు బుద్ధి వచ్చేలా గట్టిగా విమర్శించండి అంటూ కొందరిని ఫేస్‌బుక్‌లో ట్యాగ్‌ చేశాడు. కాగా ఈ వివాదం ముగిసిపోవాలని ఆ మహిళ వారిని బ్లాక్‌ చేసింది. 

కానీ ఏప్రిల్‌ 24వ తేదీ నుంచి సదరు మహిళకు ఐదుగురు వ్యక్తుల నుంచి బెదిరింపు కాల్స్‌ వస్తున్నాయి. ఆమెకు ఫోన్‌ చేసి దురుసుగా మాట్లాడటంతో పాటు క్షమాపణ తెలిపి ఆమె చేసిన కామెంట్లను తొలగించాల్సిందిగా బెదిరిస్తున్నారు.  దీంతో ఆ మహిళా పారిశ్రామికవేత్త ఆదివారం గోరెగావ్‌ పోలీసులను ఆశ్రయించింది. బాధితురాలి ఫిర్యాదు మేరకు పలు సెక్షన్ల కింద కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.
 


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని