అర్హకు బన్నీ సర్‌ప్రైజ్‌.. అదాకు ఫిదా..!

సోషల్‌ లుక్‌: సెలబ్రిటీలు పంచుకున్న విశేషాలు

* తన చిట్టితల్లి అర్హ పుట్టినరోజు సందర్భంగా అల్లు అర్జున్‌ సర్‌ప్రైజ్‌ ఇచ్చారు. స్టైలిష్‌ స్టార్‌ గుర్రాన్ని కానుకగా ఇచ్చినట్లు తెలుస్తోంది. కుటుంబసభ్యులు అర్హతో కేక్‌ కట్‌ చేయిస్తున్న ఫొటోను కూడా బన్నీ పంచుకున్నారు.

* కథానాయిక తమన్నా నటిస్తున్న తొలి వెబ్‌ సిరీస్‌ ‘11th అవర్‌’. దీని చిత్రీకరణ పూర్తయిందంటూ ఆమె సోషల్‌మీడియా వేదికగా తెలిపారు. ‘ఈ చిత్ర బృందాన్ని చాలా మిస్‌ అవబోతున్నా. కరోనా సంక్షోభంలోనూ సెట్‌లో ఎంతో ఎంజాయ్‌ చేశాం’ అని పేర్కొన్నారు.

* తన తండ్రి కృష్ణరాజ్‌ రాయ్‌ను ఐశ్వర్యరాయ్‌ గుర్తు చేసుకున్నారు. ఆయన పుట్టినరోజు సందర్భంగా భావోద్వేగానికి గురయ్యారు. ‘హ్యాపీ బర్త్‌డే డాడ్‌.. మిస్‌ యు’ అంటూ అభిషేక్‌ బచ్చన్‌ కూడా పోస్ట్‌ చేశారు.

* కథానాయిక అదా శర్మ మరోసారి తన డ్యాన్స్‌తో నెటిజన్లను ఆకట్టుకున్నారు. కథక్‌ డ్యాన్స్‌ చేసిన వీడియోను సోషల్ ‌మీడియాలో పోస్ట్‌ చేశారు. దీనికి ఫాలోవర్స్‌ నుంచి మంచి స్పందన లభించింది.

* నటి ప్రణీత మాల్దీవుల్లో విహారయాత్రను ఎంజాయ్‌ చేస్తున్నారు. సముద్రంలో సరదాగా సమయం గడుపుతున్న ఫొటోల్ని షేర్‌ చేశారు.

* నటుడు మంచు విష్ణు ట్విటర్‌లో ఓ వీడియో షేర్‌ చేశారు. అందులో ఆయన ఎదురుగా ఓ వ్యక్తి కూర్చుని ఉన్నారు. ‘నేను ఎవరితో మాట్లాడుతున్నా అనుకుంటున్నారు. ఓ హింట్‌ ఇస్తా.. నాకు ఎంతో ఇష్టమైన దర్శకుల్లో ఒకరు’ అని పేర్కొన్నారు. దీనికి నెటిజన్లు ‘ఢీ 2’ కోసం దర్శకుడు శ్రీనువైట్లతో మాట్లాడుతున్నారని కామెంట్లు చేశారు.