తెలంగాణలో కొత్తగా 502  కరోనా కేసులు

హైదరాబాద్‌: తెలంగాణ రాష్ట్రంలో నిన్న రాత్రి 8గంటల వరకు 46,597 కరోనా నిర్థారణ పరీక్షలు నిర్వహించగా కొత్తగా 502 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,70,318కి చేరింది. ఈమేరకు వైద్య ఆరోగ్యశాఖ మంగళవారం ఉదయం బులిటెన్‌ విడుదల చేసింది. నిన్న  కరోనాతో ముగ్గురు మృతి చెందారు. దీంతో మృతుల సంఖ్య 1,461కి చేరింది. కరోనా బారి నుంచి నిన్న ఒక్క రోజే 894 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 2,59,230కి చేరింది. రాష్ట్రంలో ప్రస్తుతం 9,627 యాక్టివ్‌ కేసులు ఉన్నాయని, వారిలో 7,586 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. రాష్ట్రంలో ఇప్పటి వరకు నిర్వహించిన కరోనా నిర్థారణ పరీక్షల సంఖ్య 55,00,058కి చేరింది.