‘మీరు చెప్తే వింటారు’.. మోదీ తల్లికి రైతు లేఖ!
close

తాజా వార్తలు

Published : 25/01/2021 01:22 IST
Facebook Share Twitter Share WhatsApp Share Telegram Share Link Share

‘మీరు చెప్తే వింటారు’.. మోదీ తల్లికి రైతు లేఖ!

ఇంటర్నెట్‌డెస్క్‌: వ్యవసాయ చట్టాలను రద్దు చేయాలని రైతులు పెద్దఎత్తున ఆందోళన చేస్తుండగా.. మరోవైపు ఓ రైతు మాత్రం చట్టాల రద్దు కోరుతూ ప్రధాని మోదీ తల్లికి లేఖ రాశారు. ఆ చట్టాలను వెనక్కి తీసుకోవాలని తన కుమారుడికి చెప్పాలని కోరారు. ఈ మేరకు మోదీ తల్లి హీరాబెన్‌కు పంజాబ్‌లోని ఫిరోజ్‌పూర్‌ జిల్లాకు చెందిన హర్‌ప్రీత్‌ సింగ్‌ అనే రైతు లేఖ రాశారు.

‘‘అమ్మా.. బరువెక్కిన హృదయంతో ఈ లేఖ రాస్తున్నా. ఈ దేశానికి, ప్రపంచానికి అన్నం పెడుతున్న రైతన్నలు సాగు చట్టాల రద్దు కోరుతూ దిల్లీ రోడ్లపై ఆందోళన చేస్తున్నారు. పిల్లలు, మహిళలు, వృద్ధులు అనే తేడా లేకుండా ఈ ఆందోళనలో పాల్గొంటున్నారు. కొందరు అనారోగ్యం పాలవగా.. మరికొందరు ప్రాణాలు కోల్పోయారు. తోటి రైతులు ప్రాణాలు కోల్పోవడం బాధిస్తోంది. మీ కుమారుడైన ప్రధాని నరేంద్రమోదీకి ఆ రైతు చట్టాలను వెనక్కి తీసుకోవాలని చెప్పండి. ఎవరు చెప్పినా వినకపోవచ్చు గానీ, మీరు చెప్తే తప్పక వింటారన్న నమ్మకం నాకుంది. ఆ నమ్మకంతో ఎంతో ఆశగా ఈ లేఖ రాస్తున్నా’’ అని హర్‌ప్రీత్‌సింగ్‌ పేర్కొన్నారు.

ఇవీ చదవండి..
ముంబయికి వేల మంది రైతుల కవాతు
దిల్లీలో ట్రాక్టర్‌ ర్యాలీకి రైతుల సన్నాహాలు


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని