పెద్ద మంచుగడ్డ మీద గట్టిగా చేతితో ఒత్తి చూడండి. అప్పుడు మీ చేతి కింద మంచుగడ్డ భాగం కాస్త కరిగి ద్రవరూపంలోకి మారుతుంది. అధిక పీడనం వద్ద మంచు ద్రవీభవన ఉష్ణోగ్రత తగ్గుతుంది. అంటే ఉష్ణోగ్రత 0 డిగ్రీల కన్నా తక్కువ ఉన్నప్పటికీ అధిక ఒత్తిడికి గురైన మంచు ద్రవీభవిస్తుంది. చల్లని ప్రాంతాలు, ధృవ ప్రాంతాల్లో అల్ప ఉష్ణోగ్రతకు లోనై సరస్సులు, సముద్రాల్లోని పై భాగం నీరు గడ్డ కడుతుంది. ఇలా ఉపరితలంలో ఏర్పడ్డ మంచుగడ్డ బరువు వల్ల కలిగిన ఒత్తిడి కారణంగా కింద ఉన్న నీరు గడ్డ కట్టకుండా ద్రవరూపంలోనే ఉంటుంది. ద్రవసాంద్రత కన్నా.. మంచు సాంద్రత తక్కువ కావడమే దీనికి కారణం.

- ప్రొ|| ఎ.రామచంద్రయ్య, నిట్‌, వరంగల్‌; రాష్ట్రకమిటి, జనవిజ్ఞాన వేదిక (తెలంగాణ)