close

తాజా వార్తలు

Published : 23/01/2021 01:29 IST
Facebook Share Twitter Share WhatsApp Share Telegram Share

కోహ్లిలా.. గర్వపడదామా?

‘ఏ ప్రౌడ్‌ హజ్బెండ్‌ అండ్‌ ఫాదర్‌’ క్రికెట్‌ వీరుడు విరాట్‌ కోహ్లి ట్విటర్‌లో తాజాగా దర్శనమిచ్చిన బయో. ఓ అమ్మాయికి భర్తగా, కూతురికి తండ్రిగా తాను గర్వంగా ఫీలవుతున్నానని చెబుతున్నాడు కోహ్లి. అతడి సంగతి అలా ఉంచితే మంచి భర్తగా, తండ్రిగా గర్వపడేలా ఉండాలంటే మన కుర్రాళ్లు ఏం చేయాలంటే..
సమకూర్చాలి: కొండమీద కోతిని తెచ్చివ్వకపోయినా భాగస్వామి కనీస అవసరాలు అడగకముందే తీర్చగలగాలి. కంటికి రెప్పలా కాపాడుకుంటూ అన్ని బాధ్యతలు నిర్వర్తిస్తే.. మంచి భర్తగా గర్వపడొచ్చు.
ఆ సమయంలో: మాతృత్వం అమ్మాయికి మర్చిపోలేని జ్ఞాపకం. ఈ సమయంలో తను ఎలాంటి భావోద్వేగానికి గురి కాకుండా చూసుకోవాలి. సరైన వైద్యం అందించాలి.
పక్కనే: తను తల్లి అయ్యే సమయంలో భర్త పక్కన ఉండాలని ప్రతి అమ్మాయి కోరుకుంటుంది. ఆ మధుర క్షణాలను తనతో కలిసి ఆస్వాదిస్తే కలిగే ఆనందం మాటల్లో వర్ణించలేం.
సమంగా: మంచి భర్త, మంచి తండ్రిగా ఉండటం అంటే మంచి భాగస్వామి అవడం. కుర్రాళ్లు భార్యతో, పిల్లలతో స్నేహితుడిలా, భాగస్వామిలా ఉండాలి. ఇంటి పనుల్లో సాయం చేయాలి.
నేర్పించాలి: ముప్ఫైకి అటూఇటుగా తండ్రవుతాం. బాధ్యతలు తలకెత్తుకోవాల్సిందే. పిల్లలకు ఇతరుల్ని ప్రేమించడం, బాధ్యతగా ఉండటం, అవసరాల్లో ఉన్నవారికి సాయపడటం నేర్పించాలి. అవన్నీ పాటిస్తూ రోల్‌మోడల్‌లా ఉండాలి.
సమయం: ఎంత తీరిక లేకుండా ఉన్నా భాగస్వామితో నాణ్యమైన సమయం గడపాలి. అనారోగ్యానికి గురైతే ఆసుపత్రికి వెళ్లడం ఎంత ముఖ్యమో మంచి సమయం ఇవ్వడమూ అంతే ముఖ్యం.


 


 

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని