close

తాజా వార్తలు

Published : 28/01/2020 01:38 IST
Facebook Share Twitter Share WhatsApp Share Telegram Share

హైవే పైకి విమానం.. చిత్రాలు వైరల్‌!

టెహ్రాన్‌: ఇరాన్‌లోని కుజెస్థాన్‌ ప్రావిన్స్‌లో సోమవారం ఓ విమానానికి పెను ప్రమాదం తప్పింది. క్రాష్‌ ల్యాండింగ్‌ అయిన విమానం రన్‌వే పై నుంచి జాతీయ రహదారిపైకి దూసుకువచ్చింది. మీడియా వర్గాల వివరాల ప్రకారం.. కాస్పియన్‌ ఎయిర్‌లైన్స్‌కు చెందిన ఓ విమానం 135 మంది ప్రయాణికులతో టెహ్రాన్‌ నుంచి మహ్‌షహర్‌ విమానాశ్రయానికి బయలుదేరింది. ఈ క్రమంలో విమానాశ్రయంలో ల్యాండ్‌ అవుతుండగా రన్‌వేపై అదుపుతప్పింది. దీంతో విమానం పక్కనే ఉన్న జాతీయ రహదారిపైకి దూసుకువచ్చింది. ఈ ఘటనలో పెద్ద ప్రమాదం చోటుచేసుకోలేదు.. కానీ ఇద్దరు వ్యక్తులకు స్వల్ప గాయాలయ్యాయని అధికారులు తెలిపారు. అకస్మాత్తుగా జరిగిన ఈ ఘటనతో షాక్‌కు గురైన ప్రయాణికులు వెంటనే కాక్‌పిట్‌ దగ్గర ఉన్న తలుపు తెరుచుకుని సురక్షితంగా బయటపడ్డారు. 

ఈ ఘటన జరగడానికి గల కారణాలపై అధికారులు దర్యాప్తు కొనసాగిస్తున్నారు. కాగా విమానం జాతీయ రహదారిపైకి దూసుకు వచ్చిన చిత్రాలు అందరినీ ఆకర్షిస్తుండటంతో ఆ చిత్రాలు సామాజిక మాధ్యమాల్లో వైరల్‌గా మారాయి. టెహ్రాన్‌కు చెందిన కాస్పియన్‌ ఎయిర్‌లైన్స్‌ విమానానికి 2009లో భారీ ప్రమాదం జరిగిన విషయం తెలిసిందే. ఇరాన్‌లోని ఖజ్వి ప్రాంతంలో విమానం కూలిపోయిన ఘటనలో 153 మంది ప్రయాణికులు మరణించారు. 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.