close

తాజా వార్తలు

Updated : 01/02/2020 21:21 IST
Facebook Share Twitter Share WhatsApp Share Telegram Share

బడ్జెట్‌-2020: రంగాల వారీగా అంచనాలు..కేటాయింపులు! 

ఇంటర్నెట్‌డెస్క్‌: ‘పన్నులు తగ్గితే బాగుండు.. విద్యా వ్యవస్థలో కొన్ని మార్పుల రావాలి.. విదేశాలకు వెళ్లి చదవాలంటే ప్రభుత్వం కొన్ని సౌలభ్యాలు కల్పిస్తే సౌకర్యవంతంగా ఉంటుంది.. ప్రాణాలు పోతున్నాయి, ఈ కాలుష్యంపై ప్రభుత్వం కాస్త దృష్టిసారిస్తే బాగుంటుంది..’ ఇలా సామాన్య ప్రజల నుంచి పెద్ద పెద్ద పారిశ్రామికవేత్తల వరకు ఆలోచించే అంశాలు. వీటన్నింటికీ ఒకే సమాధానం ‘బడ్జెట్’. కేంద్ర ఆర్థిక మంత్రి నిర్మలా సీతారామన్‌ ఈరోజు పార్లమెంట్‌లో బడ్జెట్‌-2020ని ప్రవేశపెట్టారు. బడ్జెట్ ప్రసంగంలో భాగంగా భవిష్యత్తులో అభివృద్ధి చేయాల్సిన రంగాలు.. వాటికి కల్పించాల్సిన మౌలిక వసతులు, కేటాయింపులను నిర్మలా సీతారామన్‌ ప్రకటించారు. వాటిలో కొన్ని రంగాలకు సంబంధించిన కేటాయింపులు, భవిష్యత్‌ కార్యాచరణ, వాటి అభివృద్ధి తదితర అంశాలను క్లుప్తంగా చూద్దాం...

భారత్‌ గమ్యస్థానం కావాలి..

* ఉన్నత విద్యలో ప్రపంచ దేశాలకు భారత్‌ గమ్యస్థానం కావాలి.

* ‘స్టడీ ఇన్‌ ఇండియా’ ప్రాజెక్టులో భాగంగా ఆసియా, ఆఫ్రికన్‌ దేశాల్లో ‘ఇండ్‌శాట్’ కార్యక్రమ నిర్వహణ.

* భారత్‌లోని ఉన్నత విద్యా సంస్థల్లో చదువుతూ ఉపకార వేతనాలు పొందాలనుకునే విదేశీ విద్యార్థులకు విధానాల రూపకల్పన.

2024 నాటికి 1200కు ఆ సంఖ్య..

* ఉడాన్‌ పథకంలో భాగంగా 2024 నాటికి దేశవ్యాప్తంగా 100 విమానాశ్రయాల అభివృద్ధి.

* అంతర్జాతీయ సగటుతో పోల్చితే భారత్‌లో తక్కుక వ్యవధిలోనే విమాన సర్వీసులు పెరిగాయి.

* 2024 నాటికి విమానాల సంఖ్య 600 నుంచి 1200కు చేరనుందని అంచన.

డిజిటల్‌ భారత్‌కు ఊతమిచ్చేలా నవ ఆర్థిక వ్యవస్థ

ప్రపంచ దేశాలకు దీటుగా భారత్‌ను సాంకేతికంగా మరో మెట్టు ఎక్కించే విధంగా త్వరలోనే ఓ కొత్త ఆర్థిక వ్యవస్థను తీసుకురానున్నట్లు బడ్జెట్‌ ప్రసంగంలో కేంద్ర ఆర్థిక మంత్రి నిర్మలా సీతారామన్‌ తెలిపారు. డిజిటలైజేషన్‌లో భాగంగా ప్రైవేటు రంగంలో సాంకేతికంగా తీసుకురావాల్సిన మార్పులు.. వాటికి కల్పాంచాల్సిన వసుతులపై సీతారామన్‌ ప్రసంగించారు. దీనిలోని అంశాలు ఇలా ఉన్నాయి...

* ప్రైవేటు రంగానికి ఊతమిస్తూ దేశవ్యాప్తంగా డేటా సెంటర్‌ పార్కుల ఏర్పాటుకు త్వరలో నూతన ఆర్థిక వ్యవస్థ.

* భారత్‌నెట్‌ ప్రాజెక్టులో భాగంగా ‘ఫైబర్‌ టు హోం’(ఎఫ్‌టీటీహెచ్‌) కనెక్షన్స్‌ ద్వారా ఈ ఏడాది 1,00,000 గ్రామ పంచాయతీల అనుసంధానం. దీనికి గాను ఈ (2020-21) ఆర్థిక సంవత్సరంలో రూ.6 వేల కోట్ల కేటాయింపు.

* డిజిటల్‌ ప్లాట్‌ఫాం విస్తరణలో భాగంగా అంకుర సంస్థల ఏర్పాటు, పలురకాల సాంకేతిక విభాగాల్లో దేశవ్యాప్తంగా నాలెడ్జ్‌ ట్రాన్స్‌లేషన్‌ క్లస్టర్స్‌ ఏర్పాటుకు తీసుకోవాల్సిన చర్యలపై ప్రతిపాదనలు.

* టెక్నాలజీ క్లస్టర్స్‌ వృద్ధికి ఊతమిచ్చేలా సదుపాయాలు, తయారీ రంగంలో చిన్న తరహా పరిశ్రమలకు మౌలిక వసతుల కల్పనకు సరికొత్త ఆర్థిక వ్యవస్థ.

* రానున్న ఐదేళ్ల కాలంలో నేషనల్‌ మిషన్‌ ఆన్‌ క్వాంటమ్‌ టెక్నాలజీస్‌ అండ్ అప్లికేషన్స్‌పై రూ. 8 వేల కోట్ల కేటాయింపులు చేసే విధంగా ప్రతిపాదనలు.

ప్రత్యేక కేటగిరీల్లో ఎన్నారైల పెట్టుబడులు..

* రెగ్యులేటరీ, అభివృద్ధి అంశాల్లో ప్రభుత్వ రంగ బ్యాంకుల్లో రూ. 3.50 లక్షల కోట్ల మూలధన సాయం.

* ప్రభుత్వ సెక్యూరిటీల్లోని కొన్ని ప్రత్యేక కేటగిరీల్లో పూర్తి స్థాయిలో పెట్టుబడులు పెట్టేందుకు ఎన్నారైలకు అవకాశం.

* బ్యాంకింగేతర ఆర్థిక వ్యవస్థ(ఎన్‌బీఎఫ్‌సీ)ల వద్ద నగదు లభ్యతకు సంబంధించిన అంశాలపై పార్షల్‌ క్రెడిట్‌ గ్యారంటీ స్కీం ఏర్పాటు.

* కార్పొరేట్‌ బాండ్స్‌లో ఎఫ్‌పీఐ పరిధి 9 శాతం నుంచి 15 శాతానికి పెంపు.

* ఫైనాన్సియల్‌ కాంట్రాక్టులకు సంబంధించిన అంశాలపై నూతన చట్టాల రూపకల్పన లేదా మార్పులు.

 ఆన్‌సైట్‌ మ్యూజియంల ఏర్పాటు..

* భారతీయన సనాతన సంప్రదాయాలు, వారసత్వ సంపదగా వెలుగొందుతున్న ఐదు పురావస్తు కేంద్రాలను ఐకానిక్‌ కేంద్రాలుగా ఆధునికీకరణ.

* కేంద్రాల వద్ద ఆన్‌సైట్‌ మ్యూజియంల ఏర్పాటు.

* రాఖీఘర్హీ (హరియాణా), హస్తినాపూర్‌(ఉత్తర్‌ ప్రదేశ్‌), శివ్‌సాగర్‌ (అసోం), ఢోలావిరా (గుజరాత్‌), అడిచనల్లూర్‌ (తమిళనాడు) కేంద్రాలను ఐకానిక్‌ కేంద్రాలుగా ఆధునికీకరణ.

* కోల్‌కతాలోని ఓల్డ్‌ మింట్‌ మార్కెట్లో నుమిస్మాటిక్స్‌, ట్రేడ్‌ మ్యూజియం, దేశవ్యాప్తంగా మరో నాలుగు మ్యూజియంల ఆధునికీకరణ.

* వారసత్వ పరిరక్షణకు ఇండియన్‌ ఇన్‌స్టిట్యూట్‌ ఆఫ్‌ హెరిటేజ్‌ అండ్‌ కన్జర్వేషన్‌ ఏర్పాటు.

* పర్యాటక రంగ అభివృద్ధికి రూ.2 వేల కోట్ల కేటాయింపులు.

కాలుష్యంపై పోరు..

* వాతావారణ, కాలుష్య మార్పులపై అధ్యయనం, చర్యలకు రూ. 4400 కోట్ల (2020-21) కేటాయింపు.

* పరిధికి మించి కర్బన ఉద్గారాలను విడుదల చేస్తున్న పాత థర్మల్‌ విద్యుత్‌ కేంద్రాల మూసివేతకు తీసుకోవాల్సిన చర్యలపై ప్రతిపాదనలు.

* 10 లక్షలకు మించి జనాభా.. కాలుష్యంపై పోరాడుతూ తగిన జాగ్రత్తలు తీసుకుంటున్న రాష్ట్రాలకు చేయూత.

కొత్తగా 16 లక్షల మంది..

* జీఎస్టీ రిటర్న్స్‌ దాఖలు చేసేందుకు ‘ఎస్‌ఎంఎస్‌ ఆధారిత’ విధానాన్ని ఏప్రిల్ 1, 2020 నుంచి పైలట్ ప్రాజెక్టుగా అమలు.

* 2020 నుంచి మరింత సరళతరంగా పన్ను విధానాలు, చెల్లింపులు.

* ఇన్‌వర్టెడ్‌ డ్యూటీ స్ట్రక్చర్‌ సంబంధిత అంశాలను పర్యవేక్షించే విషయంలో జీఎస్‌టీ రేట్‌ స్ట్రక్చర్‌లో మార్పులు.

* 10 శాతం తగ్గిన పన్ను భారం.

* రెండేళ్లలో కొత్తగా చేరిన 16 లక్షల మంది పన్ను చెల్లింపుదారులు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.