close
Array ( ) 1

తాజా వార్తలు

Published : 06/02/2020 00:10 IST
Facebook Share Twitter Share WhatsApp Share Telegram Share

కోరికకుకృషి తోడవ్వాలి!

 బోధివృక్షం

బుద్ధ భగవానుడు ద్వైతవనంలో విడిదిచేసి ఉన్నాడు. అమలుడనే రాజవంశానికి చెందిన యువకుడు తనను శిష్యుడిగా స్వీకరించమని అర్థించాడు. బుద్ధుడు అమలుడికేసి పరిశీలనగా చూశాడు.

అతని శరీరం కుసుమ కోమలంగా ఉంది. కష్టం తెలియని అతడు భిక్షువుగా కఠిన జీవితాన్ని తట్టుకోలేడనిపించింది.

ఆ విషయాన్నే బుద్ధుడతడికి మృదువుగా చెప్పాడు.

కానీ అమలుడు పట్టువదల్లేదు.

బుద్ధుడు ఎలాంటి దీక్షా ఇవ్వకుండా పదిరోజుల పాటు విహారంలో ఉండి, ఇతర శిష్యులు చేసేవన్నీ చేయమన్నాడు.అమలుడు సరేనన్నాడు.

శిష్యులంతా బ్రహ్మముహూర్తంలో నిద్రలేచి కాలకృత్యాలు ముగించుకుని ధ్యానమందిరానికి చేరుకునేవారు. అమలుడు మాత్రం ఆలస్యంగా నిద్రలేచి, తయారై ధ్యానమందిరానికి వచ్చేవాడు. అందరికంటే వెనక కూర్చునేవాడు. బుద్ధుడు అన్నీ గమనిస్తూనే మౌనంగా చూస్తుండేవాడు.

ఇలా పది రోజులు గడిచాయి. అమలుడు బుద్ధుడి ముందు భక్తితో ప్రణమిల్లాడు. ‘భగవాన్‌! నేను భిక్షువుగా పనికిరాను. నాకు సెలవిప్పించండి’ అన్నాడు.

బుద్ధుడు మందహాసం చేసి ‘నువ్వు గొప్ప భిక్షువు కాగలవు. నీకు దీక్ష ఇస్తున్నాను’ అన్నాడు. ఆశ్చర్యంతో, అపనమ్మకంతో చూస్తున్న అమలుడితో

‘నాయనా! నువ్వు నిజంగా అనర్హుడివైతే రెండో రోజే వెళ్లిపోయేవాడివి. నీకు బలమైన కోరిక ఉంది. దానికి కృషి కూడా తోడు కావాలి. ఇవి రెండూ ఉంటే నువ్వు అనుకున్నది సాధించగలుగుతావు’ అని చెప్పాడు.

బుద్ధుడి బోధను మనసుకు పట్టించుకున్న అమలుడు అనతికాలంలోనే ఉత్తమ శిష్యుడనిపించుకున్నాడు.

- కె.రాఘవేంద్రబాబు


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.