close

తాజా వార్తలు

Updated : 10/02/2020 14:57 IST
Facebook Share Twitter Share WhatsApp Share Telegram Share

ఆ ఆలోచనే ఐటీ టవర్‌గా మారింది: వినోద్‌

కరీంనగర్‌: కరీంనగర్‌లో ఈ నెల 18న ఐటీ టవర్‌ ప్రారంభోత్సవం జరగనుంది. ఈ సందర్భంగా కరీంనగర్‌ జిల్లాలో జరుగుతున్న అభివృద్ధి కార్యక్రమాలపై రాష్ట్ర ప్రణాళికా సంఘం ఉపాధ్యక్షుడు వినోద్‌కుమార్‌, మంత్రి గంగుల కమలాకర్‌ మీడియా సమావేశం నిర్వహించారు. వినోద్‌ కుమార్‌ మాట్లాడుతూ..  తెలంగాణ ఏర్పడిన తర్వాత తాను ఎంపీగా, గంగుల కమలాకర్‌ ఎమ్మెల్యేగా ఉన్న సమయంలో కరీంనగర్‌లో ఐటీ ఇంక్యుబేషన్‌ సెంటర్‌ ఏర్పాటు చేయాలని ఆలోచించామన్నారు. ఆ రోజు తమ ఆలోచనే నేడు ఐటీ టవర్‌గా మార్పు చెంది అనేక కంపెనీలు వచ్చేందుకు దోహదం చేసిందని చెప్పడానికి గర్వపడుతున్నానన్నారు. ఐటీ టవర్‌తో కరీంనగర్‌తో పాటు ఉత్తర తెలంగాణలోని విద్యార్థులకు మంచి ఉద్యోగాలు వస్తాయన్నారు. 

ఎంఎన్‌సీలు ఆసక్తి చూపుతున్నాయ్‌: గంగుల
ఐటీ టవర్‌ను ఈనెల 18న ఉదయం 10గంటలకు ఐటీ శాఖ మంత్రి కేటీఆర్‌ చేతుల మీదుగా ప్రారంభించనున్నట్టు మంత్రి గంగుల కమలాకర్‌ వెల్లడించారు. పురపాలక ఎన్నికల నేపథ్యంలోనే దీని ప్రారంభోత్సవం కొంచెం ఆలస్యమైనట్టు చెప్పారు. మొత్తం 12 కంపెనీలతో ఎంవోయూలు చేసుకొని ప్రారంభించాలని అనుకున్నామనీ.. కానీ ఇప్పటిదాకా 18 కంపెనీలు తమ కార్యకలాపాలు ప్రారంభించేందుకు తమను సంప్రదించాయని మంత్రి వివరించారు. ఐటీ కంపెనీలకు పెద్ద ఎత్తున ప్రోత్సాహకాలు ఇచ్చామనీ.. అందుకే అనేక ప్రాంతీయ కంపెనీలతో పాటు బహుళ జాతి కంపెనీలు (ఎంఎన్‌సీలు) కూడా ఇక్కడ  పెట్టుబడులు పెట్టేందుకు ఆసక్తి చూపుతున్నాయన్నారు. ఏడాది తర్వాత ఉద్యోగుల సంఖ్య పెంచాలనే నిబంధనతో కంపెనీలతో ఒప్పందం చేసుకున్నట్టు చెప్పారు. మీడియా సమావేశంలో ఎమ్మెల్యేలు రసమయి, రవిశంకర్‌, ఎమ్మెల్సీ నారదాసు లక్ష్మణరావు తదితరులు పాల్గొన్నారు.



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.