close

తాజా వార్తలు

Published : 05/03/2020 00:37 IST
Facebook Share Twitter Share WhatsApp Share Telegram Share

రాష్ట్రపతికి నిర్భయ తల్లి కృతజ్ఞతలు

దిల్లీ: నిర్భయ కేసు దోషుల్లో ఒకరైన పవన్‌గుప్తా పెట్టుకున్న క్షమాభిక్ష అభ్యర్థనను రాష్ట్రపతి రామ్‌నాథ్‌ కోవింద్‌ తిరస్కరించిన నేపథ్యంలో బాధితురాలి తల్లి రాష్ట్రపతి రామ్‌నాథ్‌ కోవింద్‌కు కృతజ్ఞతలు తెలిపారు. నిర్భయ అత్యాచారం, హత్య కేసుల్లో నలుగురు దోషులకు మార్చి 3న ఉరిశిక్ష పడాల్సి ఉండగా.. పవన్‌గుప్తా పెట్టుకున్న క్షమాభిక్ష అభ్యర్థన రాష్ట్రపతి దగ్గర పెండింగ్లో ఉండడంతో ఉరి అమలు వాయిదా పడింది. ఈ నేపథ్యంలో పవన్‌ అభ్యర్థనను రాష్ట్రపతి రామ్‌నాథ్‌ కోవింద్‌ బుధవారం తిరస్కరించారు. 

ఈ సందర్భంగా నిర్భయ తల్లి మాట్లాడుతూ.. ‘దోషి పవన్‌గుప్తా పెట్టుకున్న క్షమాభిక్ష అభ్యర్థనను తిరస్కరించినందుకు రాష్ట్రపతి రామ్‌నాథ్‌ కోవింద్‌ గారికి కృతజ్ఞతలు. ఈసారైనా దోషులను సరైన సమయానికి ఉరి తీస్తారని భావిస్తున్నా. దోషులకు శిక్షపడే వరకు నాకు మనశ్శాంతి ఉండదు. దోషులు చట్టాల్లోని లొసుగులను ఉపయోగించుకొని బయపడాలని ప్రయత్నించినా కుదరలేదు. అది నాకు సంతోషం కలిగించే విషయం. ఈసారి వచ్చే డెత్‌వారెంట్‌ చివరిది అవుతుందని అనుకుంటున్నా. ఇప్పటి వరకూ కోర్టులో వాదనలు వినడం.. వాయిదా పడటం చూశా. కానీ, శిక్షను వాయిదా వేయడం తొలిసారిగా చూస్తున్నా. ప్రపంచం మొత్తం దోషులను ఉరి తీయాలని కోరుకుంటోంది. మాలాంటి కుటుంబాలు వేల సంఖ్యలో ఉన్నాయి. దోషులకు ఉరిశిక్ష పడే వరకూ నేను పోరాడుతూనే ఉంటా’ అని ఆమె పేర్కొన్నారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.