close

తాజా వార్తలు

Published : 03/04/2020 20:14 IST
Facebook Share Twitter Share WhatsApp Share Telegram Share

రెండేళ్ల ముందే ‘వైరస్‌’ గురించి చెప్పా: వర్మ

మీరే చూడండి..

హైదరాబాద్‌: ‘వైరస్‌’ అనే టైటిల్‌తో సినిమా తీయబోతున్నట్లు ప్రముఖ దర్శకుడు రామ్‌గోపాల్‌ వర్మ రెండేళ్ల క్రితం ప్రకటించారు. ‘సర్కార్‌’, ‘ది ఎటాక్‌’ చిత్రాల నిర్మాత పరాగ్‌ సంఘ్వీ ఈ సినిమాను నిర్మించబోతున్నట్లు తెలిపారు. ఈ మేరకు వర్మ 10/6/2018లో ట్వీట్‌ చేశారు. పూర్తి ప్రకటన కోసం ఫేస్‌బుక్‌ లింక్‌ను కూడా షేర్‌ చేశారు. ఎబోలా కంటే భయంకరమైన వైరస్‌ ముంబయి నగరాన్ని వణికించే కథాంశంతో సినిమా తీయబోతున్నట్లు ఆయన ప్రకటనలో చెప్పారు.

‘ఆఫ్రికా పర్యటనకు వెళ్లి ముంబయి వచ్చిన ఓ యువకుడి ద్వారా వైరస్‌ అందరికీ సోకుతుంది. ఊహించని ఈ పరిణామంతో ప్రభుత్వం కోట్లాది ప్రజలున్న ముంబయిలో ఒకరి నుంచి మరొకరు 20 అడుగుల దూరం ఉండాలని సూచిస్తుంది. ఆపై వైరస్‌ విపరీతంగా వ్యాపించి, లక్ష మందికిపైగా మృతి చెందుతారు.  ఈ నగరం నుంచి రాకపోకల్ని నిషేధిస్తారు.  భయబ్రాంతులకు గురైన ముంబయి వాసులు పారిపోవడానికి ప్రయత్నిస్తారు. దీంతో ఎవరు ఈ వైరస్‌ను వ్యాప్తి చేస్తారో అన్న భయంతో.. పారిపోయే వారిని కాల్చి చంపేయమని ప్రభుత్వం ఉత్తర్వులు జారీ చేస్తుంది. ఈ కథకు భయం, ప్రేమ, ఉత్కంఠ, త్యాగం, ఆశల్ని మేళవించి హ్యూమన్‌ డ్రామాగా సినిమా రూపొందించబోతున్నాం’ అని వర్మ రెండేళ్ల క్రితం వెల్లడించారు.

ఇప్పుడు కరోనా వైరస్‌ ప్రపంచాన్ని వణికిస్తోన్న తరుణంలో ఆ విషయాన్ని వర్మ గుర్తు చేసుకున్నారు. ‘మహమ్మారి వైరస్‌పై స్క్రిప్టు రాశానని, సినిమా తీస్తానని 10/6/2018లో చెప్పా. ఇవాళ జరుగుతున్న పరిణామాలకు నా కథ ఎంత దగ్గరగా ఉందో చూడండి. రెండేళ్ల క్రితం నేను చేసిన ట్వీట్‌ ఇది’ అని ఆయన శుక్రవారం పోస్ట్‌ చేశారు.



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.