close

తాజా వార్తలు

Updated : 20/04/2020 01:08 IST
Facebook Share Twitter Share WhatsApp Share Telegram Share

అరరే.. అరటి.. భళారే బంటి!

హాయ్‌ ఫ్రెండ్స్‌.. నా పేరు బంటి. నేను ఈ రోజు మీకు ఓ మ్యాజిక్‌ నేర్పడానికి ఇదిగో.. ఇలా వచ్చాను. ఇది చాలా తేలిక. మరి నేర్చుకుంటారా!

* మనందరికీ అరటి పండ్లంటే ఇష్టం కదా!

* ఈ రోజు మన మ్యాజిక్‌ అరటి పండుతోనే మరి.

* మీ స్నేహితుడికి ఓ అరటి పండు ఇవ్వండి. చేతితో విరగ్గొట్టకుండా.. దాని తొక్క తీయగానే మధ్యలోకి విరిగి పడేలా చేయమని అడగండి.

* మీ ఫ్రెండ్‌.. కచ్చితంగా ఆ పని చేయలేడు.

* మీరు మాత్రం ఎంచక్కా చేయొచ్చు!

* ఏంటి.. అలా అయోమయంగా చూస్తున్నారు!  ‘ఎలా అబ్బా?’ అని ఆలోచిస్తున్నారా?

* నేను చెబుతాగా ఆ రహస్యమేంటో!


కిటుకు

* మీ స్నేహితుడికి ఇచ్చిన అరటిపండు మాములుదే! అందులో ఏ రహస్యమూ ఉండదు.

* మీ దగ్గర ఉన్న అరటి పండులోనే అసలు కిటుకు ఉంటుంది.

* ఓ టూత్‌పిక్‌ తీసుకుని సరిగ్గా అరటి పండు వంపుతిరిగిన చోట మధ్యలో మెల్లిగా గుచ్చండి.

* ఇది తొక్కను చీల్చుకొని అరటిపండు గుజ్జులోకి వెళ్లాలి.

* ఇప్పుడు నెమ్మదిగా టూత్‌పిక్‌ను పైకి, కిందకు అనండి. లోపల అరటిపండు మధ్యకు కట్‌ అవుతుంది. అరటి పండు తొక్క దెబ్బతినకుండా ఎంతో చాకచక్యంగా ఈ పని చేయాల్సి ఉంటుంది.

* ఈ పనంతా మీ స్నేహితులు రాకముందే చేసి పెట్టుకోవాలి.

* తర్వాత మీరు తొక్క తీయగానే అరటిపండు రెండు ముక్కలవుతుంది.


* మరో విషయం.. ఇది ఒక్కసారికే రాకపోవచ్ఛు ముందు మీరు కాస్త ప్రాక్టీస్‌ చేసుకోవాలి.

* ఒకే అరటిపండు కాకుండా.. ఇలా ఓ అయిదారు చేసి పెట్టుకోండి. మళ్లీ మళ్లీ చేయమని మీ స్నేహితులు అడిగితే చేసి చూపించొచ్ఛు

* ఇలా మీరు ముందే సిద్ధం చేసి పెట్టుకున్న అరటిపండ్లు మాత్రం మ్యాజిక్‌ చేయడానికి ముందు మీ స్నేహితుల చేతికి వెళ్లకుండా చూసుకోండి.

* లాక్‌డౌన్‌ అయిపోయిన తర్వాత సామాజిక దూరం పాటిస్తూ.. సరదాగా ఈ మ్యాజిక్‌ చేయండి. మీ ఫ్రెండ్స్‌ అందరూ అవాక్కవ్వకపోతే ఈ బంటిని అడగండి. ఈలోపు ప్రాక్టీస్‌ చేసుకోండి మరి.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.