close

తాజా వార్తలు

Updated : 25/05/2020 00:38 IST
Facebook Share Twitter Share WhatsApp Share Telegram Share

అరచేతుల్లో అద్భుత మాయ!

ఫ్రెండ్స్‌.. మనం ఇంతకు ముందు ప్లేయింగ్‌ కార్డును గాల్లోనే గిరగిర తిప్పే మ్యాజిక్‌ నేర్చుకున్నాం కదా! ఈ రోజు అలాంటిదే మరో మ్యాజిక్‌ చేయడం ఎలాగో తెలుసుకుందామా.. ఒక చేతిలోంచి మరో చేతిలోకి కార్డు గాల్లోనే తేలుతూ చేరుకుంటుంది. మీకూ నేర్చుకోవాలని ఉందా? ఇంకెందుకాలస్యం చదివేయండి మరి!
* మీరు ముందుగా ప్లేయింగ్‌ కార్డును ఓ చేతిలోకి తీసుకోండి.
* అబ్రకదబ్ర హాంఫట్‌ అంటూ చేతిని తెరవండి.
* ప్లేయింగ్‌ కార్డు గాల్లో తేలుతూ మరో చేతిలోకి వెళ్లాలి.
* మీరు ఎన్ని సార్లు చేసినా వెళ్లడం లేదు కదూ!
* ప్చ్‌.. అలా చిన్నబుచ్చుకోకండి. ఆ ట్రిక్‌ ఏంటో తెలుసుకోండి.
* అప్పుడు ఎంచక్కా మీరూ చేసేయొచ్చు.

కిటుకు:

* ఈ మ్యాజిక్‌ చేయడానికి ముందే మనం ఓ ఏర్పాటు చేసుకోవాలి.
* నల్లటి దారం, ప్లేయింగ్‌ కార్డు, స్ట్రా ముక్క, పారదర్శక టేప్‌(కరెన్సీ నోట్లు చిరిగితే అతికించేది) కానీ జిగురు కానీ కావాల్సి ఉంటుంది.
* చిత్రంలో చూపించినట్లుగా కార్డుకు వెనక వైపు స్ట్రాను టేప్‌ లేదా గమ్‌తో అతికించుకోవాలి.
* ఇప్పుడు ఈ స్ట్రాలోంచి నల్లటి దారాన్ని తీయాలి. ఓ కొనను ఎడమ చేతి బొటన వేలికి తగిలించుకునే ఏర్పాటు చేసుకోవాలి. మరో కొనను కార్డుకే ఇంతకు ముందు అతికించుకున్న స్ట్రాకు కాస్త కింద అతికించుకోవాలి.
* ఇదంతా మ్యాజిక్‌ చేయడానికి ముందే.. మనం రహస్యంగా చేసి పెట్టుకోవాలి.
* ఇప్పుడు ఓ చేతిలో కార్డును తీసుకుని వీక్షకులకు చూపించాలి.


* నెమ్మదిగా కార్డును వదిలేయాలి. దారాన్ని మాత్రం చేతి వేలికి అలాగే తగిలించుకుని ఉండాలి.
* ఇప్పుడు మరో చేతిని నెమ్మదిగా దూరం జరపాలి. ఇప్పుడు కార్డు మరో చేతిలోకి దారం సాయంతో చేరుతుంది.
* ఇది చూసే వారికి ప్లేయింగ్‌ కార్డు గాల్లో ప్రయాణించి చేరినట్లు కనిపిస్తుంది.  
* ఈ మ్యాజిక్‌ చేసేటప్పుడు నల్లటి చొక్కా ధరించాలి. ఇలా చేస్తే కార్డుకు అమర్చిన నల్లదారం ప్రేక్షకులకు కనిపించకుండా ఉంటుంది.
* వీక్షకులు మనకు మరీ దగ్గరకు రాకుండా చూసుకోవాలి.
* ఇంకేం ప్రాక్టీస్‌ చేసేయండి మరి.
* మనలో మనమాట. ఈ రహస్యం ఎవరికీ చెప్పొద్దు. ష్‌..ష్‌! గప్‌చుప్‌!



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.