close

తాజా వార్తలు

Published : 16/06/2020 01:23 IST
Facebook Share Twitter Share WhatsApp Share Telegram Share

చరణ్‌ మేనకోడళ్లు ఏం చేశారో చూడండి

‘బాధ్యతగల చిన్నారులు’

హైదరాబాద్‌: కరోనా వైరస్‌ విజృంభిస్తున్న ఇటువంటి తరుణంలో కూరగాయల్ని శుభ్రం చేసి ఉపయోగించడం ఎంతో ముఖ్యమని చెబుతున్నారు కథానాయకుడు రామ్‌ చరణ్‌. ఆయన సోమవారం తన ఇద్దరు మేనకోడళ్లతో కూడిన వీడియోను షేర్‌ చేశారు. అందులో కూరగాయల్ని నేలపై ఆరబెట్టిన దృశ్యం కనిపించింది. తన ఇద్దరు మేనకోడళ్లు ఈ పని చేశారని.. ఎంతో బాధ్యత ఉన్న పిల్లలని చెర్రీ అన్నారు. అంతేకాదు ఎందుకు ఇలా నేలపై వేశారో వివరించమని అడగగా.. చిన్నారి సమారా మాట్లాడింది. క్రిములు పోయేలా.. కూరగాయలు, ఆకుకూరల్ని ముందు సబ్బు నీటితో కడిగి, ఆ తర్వాత సాధారణ నీటితో కడిగామని, ఆరేందుకు ఇలా కింద పరిచామని చెప్పింది. ఇదే వీడియోలో చెర్రీ తన మరో మేనకోడల్ని ఆటపట్టిస్తూ కనిపించారు.

రామ్‌ చరణ్‌ ‘వినయ విధేయ రామ’ సినిమా తర్వాత ‘ఆర్‌.ఆర్‌.ఆర్‌’లో నటిస్తున్నారు. ప్రముఖ దర్శకుడు ఎస్‌.ఎస్‌. రాజమౌళి తెరకెక్కిస్తున్న ఈ సినిమాను దానయ్య నిర్మిస్తున్నారు. ఆలియా భట్‌, ఒలీవియా మోరిస్‌ కథానాయికలు. దాదాపు రూ.400 కోట్ల బడ్జెట్‌తో ఈ సినిమాను నిర్మిస్తున్నట్లు సమాచారం. వచ్చే ఏడాది జనవరి 8న ఈ సినిమాను ప్రేక్షకుల ముందుకు తీసుకురాబోతున్నట్లు చిత్ర బృందం ప్రకటించింది. కానీ లాక్‌డౌన్‌ నేపథ్యంలో విడుదల తేదీ వాయిదా పడే అవకాశాలు ఉన్నట్లు తెలుస్తోంది. ఇందులో అల్లూరి సీతారామరాజుగా చెర్రీ, కొమరం భీమ్‌గా తారక్‌ నటిస్తున్నారు.

 



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.