close

తాజా వార్తలు

Updated : 07/06/2020 17:30 IST
Facebook Share Twitter Share WhatsApp Share Telegram Share

గుండెపోటుతో ప్రముఖ హీరో మృతి

బెంగళూరు: ప్రముఖ కన్నడ కథానాయకుడు చిరంజీవి సర్జా (39) కన్నుమూశారు. గుండెపోటుతో బెంగళూరులోని ఓ ప్రైవేటు ఆసుపత్రిలో మృతి చెందారు. ఆయన మృతితో కన్నడ చిత్ర పరిశ్రమలో విషాద ఛాయలు కమ్ముకున్నాయి. పలువురు సినీ ప్రముఖులు దిగ్ర్భాంతి వ్యక్తం చేశారు. ఓ గొప్ప నటుడ్ని కోల్పోయామని ఆవేదన వ్యక్తం చేశారు. ఈ బాధను తట్టుకునే శక్తిని దేవుడు ఆయన కుటుంబ సభ్యులకు ఇవ్వాలని ప్రార్థిస్తున్నట్లు తెలిపారు.

చిరంజీవి సర్జాకు ప్రముఖ నటుడు అర్జున్‌ అంకుల్ అవుతారు. ఆయన 2009లో నటుడిగా కెరీర్‌ ఆరంభించారు. అనేక సినిమాల్లో కథానాయకుడిగా మెప్పించి, యాక్షన్‌ హీరోగా గుర్తింపు పొందారు. 2020లో చిరంజీవి సర్జా నటించిన ‘సింగా’, ‘ఖాకీ’, ‘ఆద్యా’, ‘శివార్జున’ సినిమాలు ప్రేక్షకుల ముందుకు వచ్చాయి. ఆయన చేతిలో ఇప్పుడు ‘రాజమార్థాండా’, ‘ఏప్రిల్‌’, ‘రణం’, ‘క్షత్రేయ’ సినిమాలు ఉన్నాయి. ఓ చిత్రం పోస్ట్‌ ప్రొడక్షన్‌ పనులు జరుపుకుంటుండగా.. మూడు సినిమాలు వివిధ దశల్లో ఉన్నాయి.

2018 మే 2న చిరంజీవి సర్జా, నటి మేఘనా రాజ్‌ను వివాహం చేసుకున్నారు. క్రిస్టియన్‌ సంప్రదాయం ప్రకారం తమ పెళ్లి జరిగిందని, రెండేళ్లు పూర్తయిందని 2020 మే 2న మేఘనా రాజ్‌ ఇన్‌స్టాగ్రామ్‌లో వీడియో షేర్‌ చేశారు. ఆమె తెలుగులో ‘బెండు అప్పారావు’, ‘లక్కీ’ చిత్రాల్లో నటించారు.




Tags :
జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని