close

తాజా వార్తలు

Published : 02/05/2021 01:55 IST
Facebook Share Twitter Share WhatsApp Share Telegram Share

పాండ్య కుటుంబం సాయం 200 కాన్సన్‌ట్రేటర్లు

దిల్లీ: కరోనా కష్ట కాలంలో తమ వంతు సాయం చేసేందుకు పాండ్య కుటుంబం ముందుకొచ్చింది. గ్రామీణ ప్రాంతాల్లోని ప్రజల కోసం 200 ఆక్సిజన్‌ కాన్సన్‌ట్రేటర్లు వితరణ ఇవ్వనున్నట్లు హార్దిక్‌ పాండ్య శనివారం వెల్లడించాడు. ‘‘కరోనాపై యుద్ధంలో ముందుండి పోరాడుతున్న వైద్య సిబ్బంది, ఇతర వ్యక్తుల పట్ల కృతజ్ఞతా భావంతో ఉన్నా. నాతో పాటు కృనాల్‌, మా అమ్మ ఇలా మొత్తం మా కుటుంబం తరపున మాకు వీలైన విధంగా సాయం చేయాలనుకున్నాం. వైద్య సదుపాయాలు ఎక్కువగా అవసరం ఉండే భారత్‌లోని గ్రామీణ ప్రాంతాల కోసం 200 ఆక్సిజన్‌ కాన్సన్‌ట్రేటర్లు ఇవ్వాలని నిర్ణయించుకున్నాం. ఇప్పుడు మనం కఠిన పరిస్థితుల్లో ఉన్నాం. ఈ సమయంలో మనకు తోచిన సాయం చేయడం ముఖ్యం. మీ అందరి కోసం మేం ప్రార్థిస్తూనే ఉంటాం’’ అని హార్దిక్‌ తెలిపాడు. ఇప్పటికే దిగ్గజం సచిన్‌తో సహా ధావన్‌, కమిన్స్‌, ఉనద్కత్‌, బ్రెట్‌లీ, పూరన్‌తో పాటు రాజస్థాన్‌ రాయల్స్‌, దిల్లీ క్యాపిటల్స్‌ జట్లు కూడా కరోనాపై పోరులో తమ వంతు సాయం ప్రకటించిన సంగతి తెలిసిందే.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని