చంకలో బిడ్డ.. సభలో విధులు
close

తాజా వార్తలు

Published : 03/03/2020 00:33 IST
Facebook Share Twitter Share WhatsApp Share Telegram Share Link Share

చంకలో బిడ్డ.. సభలో విధులు

నోయిడా(ఉత్తరప్రదేశ్‌): యూపీ ముఖ్యమంత్రి యోగి ఆదిత్యనాథ్ సభలో ఓ ఆసక్తికరమైన సన్నివేశం చోటు చేసుకుంది. అభివృద్ధి పనుల ప్రారంభోత్సవంలో భాగంగా నోయిడాలో రూ.1,369కోట్ల విలువైన పనులకు సీఎం యోగి శంకుస్థాపన చేశారు. ఈ కార్యక్రమ భద్రత ఏర్పాట్లలో భాగంగా విధులు నిర్వర్తిస్తున్న వందలమంది పోలీసుల్లో ఓ మహిళా కానిస్టేబుల్‌ అందరి దృష్టిని ఆకర్షించింది. ప్రీతి రాణి అనే మహిళా కానిస్టేబుల్‌ తన బిడ్డతో పాటు ఈ సభకు వచ్చింది. చంకలో బిడ్డను ఎత్తుకొని సభలో తిరుగుతూ విధులు నిర్వర్తిస్తున్న ఆ కానిస్టేబుల్‌ను గమనించిన జనమంతా ఆమెను ఫొటోలు తీసేందుకు ఆసక్తి చూపించారు.
తన భర్త పరీక్ష రాసేందుకు వెళ్లడంతో బిడ్డను తాను సభకు తీసుకురావాల్సి వచ్చిందని ఆమె పేర్కొంది. మరి విధులకు ఒకరోజు సెలవు పెట్టవచ్చు కదా అని ఓ విలేకరి అడిగిన ప్రశ్నకు స్పందించిన ఆమె.. కుటుంబం ఎంత ముఖ్యమో ఉద్యోగం కూడా అంతే ముఖ్యమని చెప్పి ఉద్యోగం పట్ల తనకు ఉన్న నిబద్ధతను తెలియజెప్పింది. ఉదయం 6గంటల నుంచి మధ్యాహ్నం ఒంటి గంట వరకూ ఆమె ఇలాగే విధులు నిర్వర్తించింది. ఈ కార్యక్రమంలో ముఖ్యమంత్రితో పాటు ఎంపీలు, ఎమ్మెల్యేలు పాల్గొన్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని