close

తాజా వార్తలు

Published : 12/06/2020 23:30 IST
Facebook Share Twitter Share WhatsApp Share Telegram Share

నిరసనగా నూరు సమాధులు...

రియోడిజనిరో: దక్షిణ అమెరికాలోనే అతిపెద్ద దేశమైన బ్రెజిల్‌లో కరోనా వైరస్‌ కేసులు అడ్డు అదుపు లేకుండా పెరుగుతున్నాయి. 7,70,000 కొవిడ్‌-19 కేసుల నమోదుతో ఆ దేశం అమెరికా తర్వాత రెండో స్థానంలో ఉంది. కొవిడ్‌-19 సోకటం వల్ల ఇప్పటికే అక్కడ సుమారు 40,000 మంది మృతిచెందారు. కరోనా కట్టడిలో విఫలమైన ప్రభుత్వ వైఖరిపై బ్రెజిల్‌ ప్రజలు తమ నిరసనను విభిన్నంగా తెలియచేశారు. కరోనా మరణాలకు సంతాప సూచనగా ఆ దేశ రాజధాని రియోడిజనిరో సముద్ర తీరంలో ఒక్క రాత్రిలో వంద సమాధులు తవ్వారు. ఓ స్వచ్ఛంద సంస్థ ఏర్పాటు చేసిన ఈ కార్యక్రమంలో మృతుల బంధువులు, స్నేహితులు పాల్గొన్నారు. కాగా,  ఆ దేశాధ్యక్షుడు జైర్‌ బోల్సోనారో పరిస్థితిని తక్కువ అంచనా వేయటం వల్ల ఈ పరిస్థితి తలెత్తిందని కొందరు విమర్శిస్తున్నారు. క్వారంటైన్‌ నిబంధనలను ఎత్తివేసి... మాస్కులు, సామాజిక దూరం నిబంధనలను పాటించే విషయమై సరైన మార్గదర్శకాలు జారీచేయకపోవటంతో వేలాది మరణాలు చోటుచేసుకున్నాయనే ఆరోపణలు వెల్లువెత్తుతున్నాయి. ఈ నేపథ్యంలో ప్రజల నిరసన తెలిపేందుకు ఎంచుకున్న విధానం చర్చనీయాంశమయింది.


Tags :

జనరల్‌

రాజకీయం

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.