ఈనాడు డిజిటల్‌, హైదరాబాద్‌

మహానగర అభివృద్ధికి ఓటేద్దాం: ఎన్‌.శంకర్‌, దర్శకుడు

నేడు జరిగే ఎన్నికల్లో మనందరం తప్పనిసరిగా హక్కు వినియోగించుకుందాం. మహానగరం అభివృద్ధి కోసం ఓటేద్దాం. ప్రజాస్వామ్యాన్ని కాపాడుకుందాం. ఒక్క ఓటే కదాని ఎవరూ అశ్రద్ధ చేయొద్ధు. అదే రేపు ఫలితాన్ని మార్చుతుంది.

ఆలోచించి ఓటేయాలి: అలీ, సినీ నటుడు

భావి తరాల అభివృద్ధిని నిర్దేశించే ఎన్నికల్లో సరైన నాయకుడిని ఎన్నుకునే అవకాశాన్ని వదులుకోకూడదు. సెలవు ఇచ్చారని ఇంట్లో కూర్చోకుండా తప్పకుండా ఓటేయాలి. ఏమీ ఆశించకుండా ఓటేసినప్పుడే అభివృద్ధిపై నాయకులను ప్రశ్నించే వీలు కలుగుతుంది.