Edible Oil Prices: దేశంలో తగ్గనున్న వంటనూనె ధరలు

తాజా వార్తలు

Published : 14/10/2021 06:56 IST

Edible Oil Prices: దేశంలో తగ్గనున్న వంటనూనె ధరలు

దిల్లీ: పండుగ వేళ.. వంట నూనె ధరలను నియంత్రించేందుకు కేంద్రం సుంకాలను తగ్గించింది. ఈ మేరకు బుధవారం రెండు ఉత్తర్వులను కేంద్ర పరోక్ష పన్నులు, కస్టమ్స్‌ బోర్డు (సీబీఐసీ) విడుదల చేసింది. ఇందులో ముడి పామాయిల్‌, పొద్దుతిరుగుడు, సోయాబీన్‌ నూనెలపైౖ బేసిక్‌ కస్టమ్స్‌ సుంకాన్ని రద్దు చేస్తున్నట్లు ప్రకటించింది. వ్యవసాయ సెస్‌లోనూ కోత విధించింది. దీంతో ముడి నూనె ధరలు.. లీటర్‌కు రూ.12 నుంచి రూ.15వరకు తగ్గే అవకాశం ఉంది. శుద్ధిచేసిన పొద్దుతిరుగుడు, సోయాబీన్‌, పామోలిన్‌, పామాయిల్‌పై కూడా బేసిక్‌ కస్టమ్స్‌ సుంకాన్ని 32.5% నుంచి 17.5 శాతానికి పరిమితం చేసింది. దీంతో వీటి చిల్లర ధరలు   లీటర్‌కు రూ.8 నుంచి 9 వరకు తగ్గనున్నాయి.

గురువారం నుంచి అమల్లోకి రానున్న ఈ ఉత్తర్వులు.. వచ్చే ఏడాది మార్చి 31 వరకు కొనసాగనున్నాయి. గత కొన్ని నెలలుగా దేశీయ మార్కెట్‌లో వంట నూనె ధరలు భగ్గుమంటున్న సంగతి తెలిసిందే. వీటిని నియంత్రించేందుకు ఇప్పటివరకు కేంద్రం మూడు సార్లు సుంకాలు తగ్గించింది. ఇది నాలుగో ప్రయత్నమని అధికారులు తెలిపారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని