నిర్లక్ష్యం ఖరీదు.. నిండు ప్రాణం
close

తాజా వార్తలు

Updated : 24/04/2021 07:11 IST
Facebook Share Twitter Share WhatsApp Share Telegram Share Link Share

నిర్లక్ష్యం ఖరీదు.. నిండు ప్రాణం

లక్షణాలున్నా కొవిడ్‌ పరీక్ష చేయించుకోవడంలో జాప్యం
ఈనాడు-సిటీ బ్యూరో ప్రధాన ప్రతినిధి

కొవిడ్‌ బారిన పడి చివరి దశలో ఆస్పత్రుల్లో చేరుతున్న అనేకమంది రోగులు పిట్టల్లా రాలిపోతున్నారు. కరోనాతోపాటు ఇతరత్రా వ్యాధులున్న చాలామంది గత రెండు రోజులుగా మృత్యువాత పడ్డారు. చాలామంది ఆక్సిజన్‌ శాతం తగ్గిన తరువాతే ఆస్పత్రులకు రావడంతో తాము ఏమీ చేయలేకపోతున్నామని వైద్యులు చెబుతున్నారు. చాలామంది వారం, పది రోజులపాటు కరోనా లక్షణాలతో బాధపడుతున్నా పరీక్ష చేయించుకోవడం లేదు. కొంతమంది ఊపిరి పీల్చుకోవడం కష్టంగా మారిన సమయంలోనో.. లేదా ఇతరత్రా లక్షణాలు తీవ్రమైన తరువాతో పరీక్ష చేయించుకుంటున్నారు. అప్పటికే ఊపిరితిత్తుల పని మందగిస్తోంది. మరికొంతమంది సొంత వైద్యం చేసుకుంటున్నారు. కనీసం పల్స్‌మీటరుతో ఆక్సిజన్‌ శాతం చెక్‌ చేసుకోవడం లేదు. నిర్లక్ష్యంగా వ్యవహరించడంతో అనేకమంది ఆస్పత్రిలో చేరకుండానే మరణిస్తున్నారు. వైద్య ఆరోగ్య శాఖ నిర్లక్ష్యం కూడా కొంత తోడైంది. ఆర్టీపీసీఆర్‌ పరీక్ష చేయించుకుంటే మూడు రోజులకు గానీ ఫలితం రావడం లేదు. ఈ మూడు రోజులు సంబంధిత అనుమానితులు కుటుంబంతో కల్సి ఉంటున్నారు.. మందులు వేసుకోకపోవడం కూడా ఇబ్బందిగా మారింది.
చివరి నిమిషంలో రావడం వల్లే:              
- డా.రాజారావు, గాంధీ సూపరింటెండెంట్‌

తమ ఆస్పత్రికి వచ్చే 75 శాతం మంది రోగులు ప్రైవేటు ఆస్పత్రి నుంచే వస్తున్నారు. చివరి దశలో వస్తున్నారు. అటువంటి వారికి ఎంతగా వైద్యం అందిస్తున్నా  కోలుకోవడం లేదు. అనేకమంది కొవిడ్‌ సోకినా వెంటనే పరీక్షలు చేయించుకోకుండా నిర్లక్ష్యంగా ఉంటున్నారు. దీంతో సాధారణ వైద్యం సైతం అందకపోవడం వల్ల వ్యాధి ముదిరి మరణాలు సంభవిస్తున్నాయి. కరోనా లక్షణాలు ఉంటే వెంటనే పరీక్షలు చేయించుకుని వైద్యం పొందాలి.
ప్లాస్మా ఒక యూనిట్‌ రూ.20 వేల పైమాటే!
వరంగల్‌లో పని చేస్తున్న 40 ఏళ్ల వ్యక్తికి కొవిడ్‌ సోకడంతో అక్కడి ప్రైవేటు ఆస్పత్రిలో చేరారు. అక్కడ సరైన వైద్యం అందకపోవడంతో గురువారం రాత్రి మియాపూర్‌లోని ఒక ప్రైవేటు ఆస్పత్రిలో చేరారు.  అక్కడి వైద్యులు రోగిని పరీక్షించి వెంటనే ప్లాస్మా ఎక్కించాలని శుక్రవారం తెలిపారు. తమ దగ్గర అందుబాటులో లేదు.. ఎర్రగడ్డలోని ప్రైవేటు బ్లడ్‌బ్యాంక్‌లో ఉంటుందని తీసుకురమ్మని చెప్పారు. దీంతో అతని బంధువులు అక్కడికి పరుగులు తీస్తే బ్లడ్‌ గ్రూపును బట్టి రేటు నిర్ణయించారు. రూ.18 వేల నుంచి రూ.20 వేల వరకు రేటు నిర్ణయించారు. తప్పనిసరై రూ.18 వేలు ఇచ్చి ప్లాస్మా తెచ్చి ఇస్తే మరో బాటిల్‌ ఎక్కించాలని అన్నారు. దీనికోసం మళ్లీ పోరాడాల్సిన పరిస్థితి ఏర్పడింది.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని