close

తాజా వార్తలు

Published : 12/08/2020 21:58 IST
Facebook Share Twitter Share WhatsApp Share Telegram Share

సరిహద్దుల్లో రెండు తేలికపాటి హెలికాప్టర్ల మోహరింపు

లేహ్‌: చైనాతో సరిహద్దు వివాదం నేపథ్యంలో తాము తయారు చేసిన రెండు తేలికపాటి హెలికాప్టర్లను సరిహద్దుల్లోని లేహ్‌లో వైమానిక దళం మోహరించినట్లు హిందుస్థాన్‌ ఏరోనాటిక్స్‌ లిమిటెడ్ (హెచ్‌ఏఎల్‌) ప్రకటించింది. లేహ్‌లోని అత్యంత ఎత్తైన ప్రదేశంలో ఈ రెండు హెలికాప్టర్లు వైమానిక దళానికి సహాయకారిగా ఉంటాయని తెలిపింది. భారత భద్రతా బలగాల ప్రత్యేక అవసరాల కోసం రూపొందించిన ఈ హెలికాప్టర్లు ప్రపంచంలోనే అత్యంత తేలికపాటివని హెచ్‌ఏఎల్‌ వెల్లడించింది.

ఆత్మనిర్బర్‌ భారత్‌ కార్యక్రమంలో హెచ్‌ఏఎల్‌ పాత్రకు ఈ హెలికాప్టర్లు అద్దం పడతాయని పేర్కొంది. భారత వైమానిక దళానికి చెందిన పైలెట్ల బృందం తమ పైలెట్‌తో కలిసి లేహ్‌లోని అత్యంత ఎత్తైన ప్రాంతాల్లో ఈ హెలికాప్టర్లలో విహరించి పరీక్షించినట్లు హెచ్‌ఏఎల్ తెలిపింది. అత్యంత క్లిష్టమైన ప్రాంతంలో ల్యాండింగ్‌ కూడా చేసినట్లు వెల్లడించింది. అత్యంత శీతల వాతావరణంలో సైతం ఈ హెలికాప్టర్లను వేగంగా మోహరించినట్లు వివరించింది. శత్రు దేశానికి చెందిన ఎలాంటి లక్ష్యాన్నైనా రాత్రి, పగలు తేడా లేకుండా ఇవి కచ్చితంగా ఛేదించగలిగే ఆయుధ సామర్థ్యాన్ని కలిగి ఉన్నట్లు హెచ్‌ఏఎల్‌ వెల్లడించింది.



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.