టీమ్ఇండియాపై ఇంగ్లాండ్‌కిదే అత్యుత్తమం..!
close

తాజా వార్తలు

Updated : 27/03/2021 11:06 IST
Facebook Share Twitter Share WhatsApp Share Telegram Share Link Share

టీమ్ఇండియాపై ఇంగ్లాండ్‌కిదే అత్యుత్తమం..!

(Photo: BCCI)

ఇంటర్నెట్‌డెస్క్‌: పుణె వేదికగా టీమ్‌ఇండియా, ఇంగ్లాండ్‌ జట్ల మధ్య జరిగిన రెండో వన్డేలో పలు రికార్డులు నమోదయ్యాయి. ఈ మ్యాచ్‌లో తొలుత బ్యాటింగ్‌ చేసిన కోహ్లీసేన.. ఇంగ్లిష్‌ జట్టు ముందు 337 పరుగుల భారీ లక్ష్యాన్ని నిర్దేశించింది. కేఎల్‌ రాహుల్‌(108; 114 బంతుల్లో 7x4, 2x6) శతకానికి తోడు పంత్‌(77; 40 బంతుల్లో 3x4, 7x6), కోహ్లీ(66; 79 బంతుల్లో 3x4, 1x6) అర్ధశతకాలు సాధించారు. చివర్లో హార్దిక్‌ పాండ్య(35; 16 బంతుల్లో 1x4, 4x6) దంచికొట్టడంతో భారత్‌ ఆరు వికెట్ల నష్టానికి 336 పరుగులు చేసింది.

అనంతరం ఇంగ్లాండ్‌ ఓపెనర్లు జేసన్‌రాయ్‌(55; 52 బంతుల్లో 7x4, 1x6), జానీ బెయిర్‌స్టో ‌(124; 112 బంతుల్లో 11x4, 7x6) తొలి వికెట్‌కు 110 పరుగులు జోడించగా, తర్వాత వచ్చిన బెన్‌స్టోక్స్‌(99; 52 బంతుల్లో 4x4, 6x10) విధ్వంసక ఇన్నింగ్స్‌ ఆడాడు. తన బ్యాటింగ్‌తో మ్యాచ్‌ స్వరూపాన్నే మార్చేశాడు. ఈ క్రమంలోనే ఇంగ్లాండ్‌ 43.3 ఓవర్లలో నాలుగు వికెట్లు కోల్పోయి లక్ష్యాన్ని ఛేదించింది. దాంతో 1-1తో సిరీస్‌ను సమం చేసింది.

ఈ మ్యాచ్‌లో నమోదైన రికార్డులు..

* వన్డే చరిత్రలో టీమ్‌ఇండియాపై ఇంగ్లాండ్‌కిదే అత్యుత్తమ భారీ ఛేదన

* ఇంగ్లాండ్‌ బ్యాట్స్‌మన్‌ జానీ బెయిర్‌స్టోకు ఇది 11వ శతకం. ఇంగ్లాండ్ తరఫున అత్యంత వేగంగా ఈ మైలురాయి చేరుకున్న ఆటగాడిగా నిలిచాడు. అతడికిది 78వ ఇన్నింగ్స్‌. హషీమ్‌ ఆమ్లా 64, క్వింటన్‌ డికాక్‌ 65, బాబర్‌ అజామ్‌ 71 ఇన్నింగ్స్‌ల్లో వన్డేల్లో 11వ సెంచరీ సాధించారు.

* అంతర్జాతీయ క్రికెట్‌లో అదిల్‌ రషీద్‌.. విరాట్‌ కోహ్లీని తొమ్మిది సార్లు ఔట్‌ చేశాడు. అంతకుముందు కివీస్‌ బౌలర్‌ టిమ్‌ సౌథీ అత్యధికంగా పది సార్లు టీమ్‌ఇండియా సారథిని పెవిలియన్‌ పంపాడు.

* మూడో స్థానంలో బ్యాటింగ్‌ చేస్తూ పదివేల పరుగుల మైలురాయి చేరుకున్న తొలి టీమ్‌ఇండియా ఆటగాడిగా విరాట్‌ రికార్డు సృష్టించాడు. మొత్తంగా రెండో ఆటగాడిగా ఉన్నాడు. అంతకుముందు ఆస్ట్రేలియా మాజీ సారథి రికీ పాంటింగ్‌ (12662) ఈ ఘనత సాధించాడు.

* వన్డేల్లో టీమ్‌ఇండియా తరఫున ఒక మ్యాచ్‌లో అత్యధిక సిక్సులు(8) ఇచ్చిన బౌలర్‌గా కుల్‌దీప్‌ యాదవ్‌ అనవసరపు రికార్డు నమోదు చేశాడు. ఇంతకుముందు 2013లో ఆస్ట్రేలియాతో మ్యాచ్‌లో వినయ్‌కుమార్‌(7) సిక్సులు సమర్పించుకున్నాడు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని