close
Array ( ) 1

తాజా వార్తలు

Updated : 28/06/2020 20:26 IST
Facebook Share Twitter Share WhatsApp Share Telegram Share

అసమాన ప్రజ్ఞాశాలి పీవీ: కేశవరావు

హైదరాబాద్‌: మాజీ ప్రధానమంత్రి పీవీ నరసింహారావు శతజయంతి ఉత్సవాలు హైదరాబాద్‌ నెక్లెస్‌రోడ్‌లోని పీవీ జ్ఞానభూమిలో ఘనంగా ప్రారంభమయ్యాయి. తెలంగాణ ముఖ్యమంత్రి కేసీఆర్‌తో పాటు వివిధ పార్టీల నేతలు... పీవీ చిత్రపటం వద్ద పుష్పాంజలిఘటించారు. ఈ సందర్భంగా ఏర్పాటు చేసిన సభలో పీవీ శతజయంతి ఉత్సవాల కమిటీ ఛైర్మన్‌ కె.కేశవరావు మాట్లాడుతూ... సీఎంగా ఉన్నప్పుడు పీవీ భూసంస్కరణలు అమలు చేశారని గుర్తుచేశారు. 

నవోదయ విద్యాలయాలను తీసుకువచ్చిన ఘనత ఆయనదేనన్నారు. పేదలకు సమాజంలో గౌరవం, ఆత్మగౌరవం తీసుకొచ్చారని కొనియాడారు. బీసీల్లో రాజకీయ చైతన్యం, సాదికారత తెచ్చారని వివరించారు. ఆర్థిక సుస్థిరతకు ఆయన అందించిన నాయకత్వం సదా స్మరణీయమని పేర్కొన్నారు. అసమాన ప్రజ్ఞాశాలి పీవీ ఘనత చరిత్రలో నిలిచిపోతుందన్నారు.  పీవీ ఆశయాలు, సంస్కరణలను ముందుకు తీసుకెళ్లాల్సిన అవసరముందన్నారు. పీవీతో సన్నిహిత సంబంధాలున్న వారిని కలుపుకొని, అన్ని రాజకీయ పార్టీల సహకారంతో పీవీ శతజయంతి ఉత్సవాలను విజయవంతం చేస్తామని కేశవరావు తెలిపారు.

సభాపతి పోచారం శ్రీనివాసరెడ్డి, రాష్ట్ర మంత్రులు కేటీఆర్‌, తలసాని శ్రీనివాస్‌ యాదవ్‌, శ్రీనివాస్‌గౌడ్‌, టీపీసీసీ అధ్యక్షుడు ఉత్తమ్‌ కుమార్‌రెడ్డి, తెరాస పార్లమెంటరీ పక్ష నేత కేశవరావు, మేయర్‌ బొంతు రామ్మోహన్‌ తదితరులు కార్యక్రమంలో పాల్గొన్నారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.