మీ ఓటుతో మద్ధతు పలకండి: కేటీఆర్‌

హైదరాబాద్‌: హైదరాబాద్‌ పౌరుల ఆరోగ్యకర భవిష్యత్తుకు తెరాస సర్కారు కట్టుబడి ఉందని మంత్రి కేటీఆర్ స్పష్టం చేశారు. హరితహారం స్ఫూర్తితో నగరంలో పచ్చదనం పెంచేందుకు ఆరేళ్లలో ఎనలేని కృషి జరిగిందని కేటీఆర్‌ తెలిపారు. నగరంలో పచ్చదనం పెంచేలా 934 కాలనీ పార్కులు, 460 ట్రీ పార్కులు, 58 థీమ్‌ పార్కులు, ప్లే పార్కులు, ట్రాన్సిట్‌ పార్కులు ఇలా అనేకం అభివృద్ధి చేశామని .. జీహెచ్‌ఎంసీ, హెచ్‌ఎండీఏ పరిధిలో 12 కోట్ల మొక్కలు నాటామని కేటీఆర్‌ వివరించారు. మొక్కలు నాటడంతో పాటు వాటి సంరక్షణకు చర్యలు తీసుకుంటూ హరిత నగరం సంకల్పాన్ని ప్రభుత్వం చూపిందని .. తమ చొరవను, ప్రయత్నాన్ని డిసెంబరు 1న మీ ఓటుతో మద్దతు పలకాలని మంత్రి కేటీఆర్‌ ట్విట్టర్‌లో కోరారు.