ప్రేయసి కాదందని వైద్య విద్యార్థి ఆత్మహత్య
close

తాజా వార్తలు

Published : 26/03/2021 01:21 IST
Facebook Share Twitter Share WhatsApp Share Telegram Share Link Share

ప్రేయసి కాదందని వైద్య విద్యార్థి ఆత్మహత్య

సిద్దిపేట టౌన్‌: ప్రేమించిన అమ్మాయి కాదందని ఓ వైద్య విద్యార్థి బలవన్మరణానికి పాల్పడ్డాడు. ఈ ఘటన సిద్దిపేట పట్టణంలో గురువారం చోటు చేసుకుంది. పోలీసులు తెలిపిన వివరాల ప్రకారం.. రంగారెడ్డి జిల్లా మంచ్యాల మండలం ఆరుట్ల గ్రామ పరిధిలోని పీసీ తండాకు చెందిన విద్యార్థి సంతోష్‌(19) సిద్దిపేట ప్రభుత్వ వైద్య కళాశాలలో ఎంబీబీఎస్‌ ప్రథమ సంవత్సరం చదువుతున్నాడు. గురువారం వార్షిక పరీక్షలు రాయాల్సి ఉండగా విద్యార్థి హాజరు కాలేదు. దీంతో కళాశాల అటెండర్ వసతి గృహానికి వెళ్లి చూడగా సంతోష్‌ ఫ్యాన్‌కు ఉరి వేసుకొని విగతజీవిగా కనిపించాడు. సమాచారం అందుకున్న పోలీసులు ఘటనా స్థలానికి చేరుకుని వివరాలు సేకరించారు. మృతదేహం వద్ద ఉన్న ఆత్మహత్య లేఖను పోలీసులు స్వాధీనం చేసుకున్నారు. ప్రేమించిన అమ్మాయి తిరస్కరించిన కారణంగా మనస్తాపంతో ఈ ఘాతుకానికి పాల్పడుతున్నట్లు లేఖలో ఉందని పోలీసులు తెలిపారు. మృతదేహాన్ని పోస్టుమార్టం నిమిత్తం స్థానిక ప్రభుత్వ ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని