covid 19: హాకీ దిగ్గజం కన్నుమూత
close

తాజా వార్తలు

Published : 08/05/2021 13:02 IST
Facebook Share Twitter Share WhatsApp Share Telegram Share Link Share

covid 19: హాకీ దిగ్గజం కన్నుమూత

ఇంటర్నెట్‌ డెస్క్‌: భారత హాకీ దిగ్గజాల్లో ఒకరైన రవీందర్‌పాల్‌ సింగ్‌ (60) శనివారం ఉదయం కొవిడ్‌ తదనంతర ఇబ్బందులతో కన్నుమూశారు. 1980 మాస్కో ఒలింపిక్స్‌ విజేత జట్టులో ఆయన సభ్యుడు. కరోనా  వైరస్‌ సోకడంతో ఏప్రిల్‌ 24న  లఖ్‌నవూలోని వివేకానంద ఆస్పత్రిలో ఆయనను చేర్చారు. వైరస్‌ నుంచి కోలుకోవడం, నెగెటివ్‌ రావడంతో గురువారం ఆయనను సాధారణ వార్డుకు తరలించారు. శుక్రవారం హఠాత్తుగా ఆరోగ్య పరిస్థితి క్షీణించడంతో వెంటిలేటర్‌పై ఉంచారు.

రవీందర్‌పాల్‌ సింగ్‌ 1984 లాస్‌ ఏంజెల్స్‌ ఒలింపిక్స్‌లోనూ ఆడారు. కరాచీ వేదికగా జరిగిన 1980, 83 ఛాంపియన్స్‌ ట్రోఫీల్లోనూ పాల్గొన్నారు. 1983 సిల్వర్‌ జూబ్లీ కప్‌ (హాంకాంగ్‌), 1982 ప్రపంచకప్‌ (ముంబయి), 1982 ఆసియా కప్‌ (కరాచీ) పోటీల్లో ఆడారు. 1979లో జూనియర్‌ ప్రపంచకప్‌లోనూ ప్రాతినిధ్యం వహించారు. ఆయన తన జీవితాన్ని ఆటకే అంకితం చేశారు. వివాహం కూడా చేసుకోలేదు. మేనకోడలు ప్రగ్యా యాదవ్‌ ఇప్పటి వరకు ఆయనను చూసుకున్నారు.  హాకీ ఇండియా, కేంద్ర  క్రీడాశాఖ మంత్రి కిరణ్‌ రిజుజు ఆయన మరణం పట్ల సంతాపం ప్రకటించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని