close

తాజా వార్తలు

Published : 05/02/2021 22:44 IST
Facebook Share Twitter Share WhatsApp Share Telegram Share

పవన్‌తో మూవీ.. ఇదే నా గోల్డెన్‌ ఫిల్మ్‌

స్పష్టతనిచ్చిన నిధి అగర్వాల్‌

హైదరాబాద్‌: పవర్‌స్టార్‌ పవన్‌కల్యాణ్‌ కథానాయకుడిగా నటిస్తోన్న ఓ పవర్‌ఫుల్‌ యాక్షన్‌ కథా చిత్రంలో తాను కూడా భాగమేనని నటి నిధి అగర్వాల్‌ క్లారిటీ ఇచ్చారు. క్రిష్‌ దర్శకత్వం వహిస్తున్న ఈ సినిమాలో పవన్‌ సరసన కథానాయికగా నటించే అవకాశాన్ని నిధి సొంతం చేసుకున్నారంటూ గత కొన్నిరోజుల నుంచి సోషల్‌మీడియాలో వరుస కథనాలు చక్కర్లు కొడుతున్నాయి. అయితే ఆ వార్తలపై చిత్రబృందం నుంచి అధికారిక ప్రకటన వెలువడలేదు. కాగా, తాజాగా నిధి అగర్వాల్‌ ఓ ఆంగ్ల పత్రికకు ఇచ్చిన ఇంటర్వ్యూలో #PSPK27 గురించి స్పందించారు. ఇందులో తాను నటిస్తున్నానని చెప్పారు. ‘నిజమే.. పవన్‌ సినిమాలో నేను నటిస్తున్నాను. ఇలాంటి పవర్‌ఫుల్‌ ప్రాజెక్ట్‌లో పవర్‌స్టార్‌తో కలిసి స్ర్కీన్‌ పంచుకోవడం.. నా కల నెరవేరినట్లుగా ఉంది. నటిగా ఇది నా తొమ్మిదో చిత్రం. కాబట్టి దీనిని గోల్డెన్‌ ఫిల్మ్‌గా అనుకుంటున్నాను. ఇప్పటికే నేను ఈ సినిమా షూట్‌లో పాల్గొన్నాను. పవన్‌కల్యాణ్‌ అద్భుతమైన, ఉన్నతమైన వ్యక్తి’ అని నిధి అగర్వాల్‌ అన్నారు.

పవన్‌కల్యాణ్‌ 27వ చిత్రంగా రూపుదిద్దుకుంటోన్న ఈ చిత్రానికి కీరవాణి సంగీతం అందిస్తున్నారు. పీరియాడికల్‌ డ్రామాగా రానున్న ఈ సినిమాలో పవన్‌ వజ్రాల దొంగగా కనిపించనున్నారని టాక్‌. అంతేకాకుండా ఈ చిత్రానికి ‘హరిహర వీరమల్లు’ అనే పేరు ఖరారు చేసినట్లు ప్రచారం సాగుతోంది.

ఇదీ చదవండి

అందుకే ఆమెను బి-గ్రేడ్‌ అనేది



Tags :
జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని