close

తాజా వార్తలు

Published : 23/01/2021 01:41 IST
Facebook Share Twitter Share WhatsApp Share Telegram Share

తారక్‌ ట్రాఫిక్‌ జరిమానా చెల్లించిన అభిమాని

రిటర్న్‌ గిఫ్ట్‌ ఏం అడిగాడో తెలుసా

హైదరాబాద్‌: సినిమా పరంగానే కాకుండా వ్యక్తిగతంగానూ యంగ్‌టైగర్‌ ఎన్టీఆర్‌కు ఎంతోమంది డైహార్డ్‌ ఫ్యాన్స్‌ ఉన్నారు. అలాంటి అభిమానుల్లో ఒకరు తారక్‌ కారుకు సంబంధించిన ట్రాఫిక్‌ జరిమానా చెల్లించాడు. అంతేకాకుండా దానికి ప్రతిఫలంగా హీరో ముందు ఓ చిన్న వినతిని ఉంచాడు.

నెహ్రూ ఔటర్‌ రింగురోడ్డుపై ఓవర్‌స్పీడ్‌లో కారు నడిపినందుకు గాను ట్రాఫిక్‌ పోలీసులు ఎన్టీఆర్‌కు రూ.1035 జరిమానా విధించారు. ఈ విషయం తెలుసుకున్న ఓ అభిమాని ఆన్‌లైన్‌లో జరిమానా మొత్తాన్ని చెల్లించాడు. దీనిని తెలియజేస్తూ.. ఆన్‌లైన్‌ బ్యాంకింగ్‌ ఫొటోని ట్విటర్‌లో షేర్‌ చేశాడు. ‘‘తారక్‌ అన్నా.. నాతోపాటు నా స్నేహితులు కొంతమందికి మల్లికార్జున లేదా భ్రమరాంబ థియేటర్లలో ‘ఆర్‌ఆర్‌ఆర్‌’ సినిమా టికెట్లు ఇప్పించండి’’ అంటూ ఆ అభిమాని ఎన్టీఆర్‌ ముందు ఓ చిన్న విన్నపాన్ని ఉంచాడు. ప్రస్తుతం ఈ ట్వీట్‌ కాస్త నెట్టింట్లో వైరల్‌గా మారింది.

రాజమౌళి ప్రతిష్ఠాత్మకంగా తెరకెక్కిస్తున్న ‘ఆర్‌ఆర్‌ఆర్‌’లో రామ్‌చరణ్‌-ఎన్టీఆర్ ప్రధాన పాత్రల్లో నటిస్తున్నారు. అల్లూరి సీతారామరాజుగా చరణ్‌, కొమురం భీమ్‌గా తారక్‌ కనిపించనున్నారు. బాలీవుడ్‌ నటి ఆలియాభట్‌ సీతగా చెర్రీ సరసన సందడి చేయనున్నారు. అలాగే హాలీవుడ్‌ నటి ఒలీవియా మోరీస్‌ ఎన్టీఆర్‌కు జోడీగా కనిపించనున్నారు. ఇటీవల ఈ సినిమా క్లైమాక్స్‌ చిత్రీకరణ ప్రారంభమైంది. దాదాపు రూ.400 కోట్ల భారీ బడ్జెట్‌తో తెరకెక్కుతున్న ఈ చిత్రానికి డీవీవీ దానయ్య నిర్మాతగా వ్యవహరిస్తున్నారు.

ఇవీ చదవండి

బిగ్గెస్ట్‌ యాక్షన్‌ డ్రామాలో చెర్రీ-యశ్‌..?




Tags :

మరిన్ని

జిల్లా వార్తలు
బిజినెస్
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని