TS: 14 కేంద్రాల్లో పాస్‌పోర్టు సేవలు నిలిపివేత
close

తాజా వార్తలు

Published : 28/04/2021 20:26 IST
Facebook Share Twitter Share WhatsApp Share Telegram Share Link Share

TS: 14 కేంద్రాల్లో పాస్‌పోర్టు సేవలు నిలిపివేత

హైదరాబాద్: తెలంగాణలో కరోనా ఉద్ధృతి దృష్ట్యా రాష్ట్రంలోని 14 తపాలా కార్యాలయాల ద్వారా అందిస్తున్న పాస్‌పోర్టు సేవలు రేపటి నుంచి నిలిపివేస్తున్నట్లు సికింద్రాబాద్‌ ప్రాంతీయ పాస్‌పోర్టు అధికారి దాసరి బాలయ్య తెలిపారు. మే 14వ తేదీ వరకు వరంగల్‌, ఖమ్మం, నల్గొండ, మహబూబ్‌నగర్‌, మెదక్‌, ఆదిలాబాద్‌, యాదాద్రి-భువనగిరి, సిద్దిపేట, మంచిర్యాల, మహబూబాబాద్‌, కామారెడ్డి, వికారాబాద్‌, వనపర్తి, మేడ్చల్‌ తపాలా కార్యాలయాల్లో సేవలను నిలిపివేస్తున్నట్లు చెప్పారు. భవిష్యత్తులో వీటిని పునరుద్ధరించే ముందు తపాలా శాఖ అధికారులతో సంప్రదింపులు జరిపిన తర్వాతే నిర్ణయం తీసుకుంటామని స్పష్టం చేశారు. అలాగే రాష్ట్రంలోని ఐదు పాస్‌పోర్టు సేవా కేంద్రాల్లో సేవలు యథాతథంగా కొనసాగుతాయన్నారు. హైదరాబాద్‌లోని బేగంపేట్‌, అమీర్‌పేట్‌, టోలీచౌకీ, నిజామాబాద్‌, కరీంనగర్‌ పాస్‌పోర్టు సేవా కేంద్రాల్లో సేవలు యథావిధిగా కొనసాగుతాయని వెల్లడించారు. రాష్ట్రంలోని 14 తపాలా కార్యాలయాల ద్వారా అందించే సేవలను మాత్రమే నిలిపివేసినట్లు స్పష్టం చేశారు.


Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని