ప్రతీకారమే హత్య చేయించింది!
close

తాజా వార్తలు

Updated : 04/04/2021 05:20 IST
Facebook Share Twitter Share WhatsApp Share Telegram Share Link Share

ప్రతీకారమే హత్య చేయించింది!

మైలార్‌దేవ్‌పల్లి హత్య కేసు వివరాలను వెల్లడించిన పోలీసులు

హైదరాబాద్: రంగారెడ్డి జిల్లా మైలార్‌దేవ్‌పల్లిలో రౌడీషీటర్‌ అసద్‌ఖాన్‌ హత్య కేసులో నిందితులను పోలీసులు అరెస్టు చేశారు. మొత్తం ఆరుగురిని అరెస్టు చేసినట్లు శంషాబాద్‌ డీసీపీ ప్రకాశ్‌రెడ్డి తెలిపారు.  ఈమేరకు కేసు వివరాలను ఆయన వెల్లడించారు. అసద్‌పై ఆరుగురు వేట కొడవళ్లతో దాడి చేశారన్నారు. అసద్‌ అల్లుడు యాసిన్‌ ఈ హత్య కేసులో ప్రధాన నిందితుడని చెప్పారు. 2018లో అంజద్‌ఖాన్‌ హత్య కేసులో అసద్‌ నిందితుడిగా ఉన్నాడని, తన నాన్నను చంపాడనే ప్రతీకారంతోనే కుమారుడు యాసిన్‌ ఈ హత్య చేశాడని డీసీపీ తెలిపారు. స్నేహితుల సహకారంతో హత్యకు పాల్పడ్డాడని చెప్పారు. 

‘‘ ఈ నెల 1న బైకుపై వెళ్తున్న అసద్‌ను నిందితులు ఆటోతో ఢీ కొట్టారు. కిందపడిన అసద్‌పై ముగ్గురు వేటకొడవళ్లతో దాడి చేశారు. హత్య తర్వాత ఆటోలో పారిపోయారు. బైకు వెనుక కూర్చున్న బాబా అనే వ్యక్తికి గాయాలయ్యాయి. ఘటనాస్థలిలో లభ్యమైన ఆధారాలతో నిందితులను గుర్తించాం.వారిని అరెస్టు చేసి రిమాండుకు పంపాం’’ అని డీసీపీ వివరించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని