వెంటిలేటర్లు లేవు.. వ్యాక్సిన్లు లేవు: రాహుల్‌
close

తాజా వార్తలు

Published : 16/04/2021 01:11 IST
Facebook Share Twitter Share WhatsApp Share Telegram Share Link Share

వెంటిలేటర్లు లేవు.. వ్యాక్సిన్లు లేవు: రాహుల్‌

దిల్లీ: దేశంలో కరోనా వైరస్‌కు సంబంధించి ప్రస్తుత పరిస్థితులను ఉద్దేశిస్తూ కాంగ్రెస్‌ నేత రాహుల్‌గాంధీ కేంద్రంపై తీవ్ర విమర్శలు చేశారు. కరోనా నివారణకు చర్యలు తీసుకోవడంలో కేంద్రం విఫలమైందని గురువారం ట్విటర్‌ వేదికగా మండిపడ్డారు. ‘దేశంలో కరోనా టెస్టులు సరిగా నిర్వహించడం లేదు. ఆస్పత్రుల్లో రోగులకు పడకలు లేవు. అత్యవసరమైన రోగులకు వెంటిలేటర్లు లేవు.. ఆక్సిజన్‌ లేదు. చివరకు వ్యాక్సిన్లు కూడా లేవు. కరోనా నిర్వహణకు పీఎంకేర్స్‌కు భారీగా నిధులు వస్తున్నాయి. మరి ట్రస్ట్‌ ఆ నిధుల్ని ఏం చేస్తోంది?’ అంటూ రాహుల్‌ కేంద్రాన్ని నిలదీశారు. దేశంలో కరోనా కేసులు భారీగా పెరుగుతున్న తరుణంలో పలు రాష్ట్ర ప్రభుత్వాలు పడకలు, వెంటిలేటర్లు, ఆక్సిజన్‌, వ్యాక్సిన్ల కొరత ఉన్నట్లు కేంద్రానికి నివేదిస్తున్నాయి. ఈ క్రమంలోనే రాహుల్‌గాంధీ ఈ వ్యాఖ్యలు చేయడం గమనార్హం. 

కాగా గడిచిన 24 గంటల్లో దేశంలో రికార్డు స్థాయిలో 2,00,739 కేసులు నమోదు కాగా, 1,038 మంది ప్రాణాలు వదిలారు. దీంతో ఇప్పటివరకు నమోదైన కేసుల సంఖ్య 1.40కోట్లు దాటింది.  



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని