Cinema News: పార్టీల్లో ఎంజాయ్‌ చేసిన సమంత, పూరీజగన్నాథ్‌, ఆర్జీవీ

తాజా వార్తలు

Published : 21/09/2021 01:29 IST

Cinema News: పార్టీల్లో ఎంజాయ్‌ చేసిన సమంత, పూరీజగన్నాథ్‌, ఆర్జీవీ

ఫొటోలు షేర్‌ చేసిన సెలబ్రిటీలు

హైదరాబాద్‌: వరుస సినిమా షూటింగ్స్‌తో ఫుల్‌ బిజీగా ఉండే సెలబ్రిటీలందరూ వారాంతంలోనైనా కాస్త సేదతీరడానికి ఆసక్తి కనబరుస్తుంటారు. ఫ్రెండ్స్‌తో సరదాగా గడిపేందుకు పార్టీలకు హాజరై ఎంజాయ్‌ చేస్తుంటారు. ఇందులో భాగంగానే తాజాగా టాలీవుడ్‌కు చెందిన పలువురు స్టార్స్‌ బర్త్‌డే, వీకెండ్‌ పార్టీలతో ఎంజాయ్‌ చేశారు. ఇంతకీ ఎవరా తారలు? ఏమా పార్టీలు..?


సమంత-కీర్తి-త్రిష

దక్షిణాదిలో అగ్రకథానాయికలుగా పేరుపొందిన నటీమణులు కీర్తిసురేశ్‌- సమంత. తాజాగా వీరిద్దరూ ఓ పార్టీ చేసుకున్నారు. ‘కాతు వక్కుల రెందు కాదల్‌’ సినిమా పనులతో బిజీగా ఉంటోన్న సామ్‌.. కొంత విరామం తీసుకుని కీర్తిసురేశ్‌, త్రిష, కల్యాణి ప్రియదర్శన్‌లను కలిసి ఓ సాయంత్రం వేళ సరదాగా గడిపారు. దీనికి సంబంధించిన ఫొటోలను తాజాగా సమంత ఇన్‌స్టా వేదికగా షేర్‌ చేసింది. ఆ రోజు ఎంతో సరదాగా గడించిందని పేర్కొంది.


అషు రెడ్డి బర్త్‌డే పార్టీలో నిఖిల్‌, ఆర్జీవీ

డబ్‌స్మాష్‌ స్టార్‌గా గుర్తింపు తెచ్చుకున్న బ్యూటీ అషురెడ్డి. ప్రముఖ రియాల్టీ షో ‘బిగ్‌బాస్‌’తో ఫామ్‌లోకి వచ్చిన అషురెడ్డి ప్రస్తుతం పలు షోలతో ప్రేక్షకుల్ని అలరిస్తున్నారు. కాగా, ఆదివారం ఆమె పుట్టినరోజు వేడుకలు నగరంలోని ఓ ప్రముఖ రెస్టారెంట్‌లో ఘనంగా జరిగాయి. ఆ వేడుకలకు నటుడు నిఖిల్‌, ప్రముఖ దర్శకుడు రామ్‌గోపాల్‌ వర్మ, ఆరియానా, రాహుల్‌ సిప్లిగంజ్‌ హాజరై సందడి చేశారు.


పూరీ-ఛార్మి-ఆలీ దంపతులు

ప్రస్తుతం ‘లైగర్‌’ షూట్‌లో ఫుల్‌ బిజీగా ఉంటున్నారు దర్శకుడు పూరీ జగన్నాథ్‌, నిర్మాత ఛార్మి. విజయ్‌ దేవరకొండ కథానాయకుడిగా నటిస్తున్న ఈసినిమా షూటింగ్‌ గత కొన్నిరోజుల నుంచి గోవాలో జరుగుతోంది. తాజాగా ఈ సినిమా సెట్‌లో ఆలీ సందడి చేశారు. తన సతీమణితో కలిసి పూరీ జగన్నాథ్‌, ఛార్మి, రమ్యకృష్ణలను కలిశారు. అనంతరం, వారితో కలిసి భోజనం చేశారు.


 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని