US: పేద దేశాలకు 50కోట్ల ఫైజర్‌ టీకాలు
close

తాజా వార్తలు

Published : 11/06/2021 01:49 IST
Facebook Share Twitter Share WhatsApp Share Telegram Share Link Share

US: పేద దేశాలకు 50కోట్ల ఫైజర్‌ టీకాలు

వాషింగ్టన్‌: కొవిడ్‌ మహమ్మారిపై పోరులో పేద, మధ్యతరగతి దేశాలకు అండగా ఉండేందుకు అగ్రరాజ్యం అమెరికా ముందుకొచ్చింది. 50 కోట్ల ఫైజర్‌ టీకాలను కొనుగోలు చేసి వాటిని తక్కువ, మధ్యస్థాయి ఆదాయం ఉన్న దేశాలు, ఆఫ్రికా యూనియన్‌కు వితరణగా ఇచ్చేందుకు సిద్ధమవుతోంది. ఈ మేరకు అమెరికా అధ్యక్ష భవనం వైట్‌హౌస్‌ వెల్లడించింది. దీనికి అధ్యక్షుడు జో బైడెన్‌ నేడు అధికారిక ప్రకటన చేసే అవకాశం ఉంది. 

యూకేలో జరిగే జి-7 దేశాల సదస్సులో పాల్గొనేందుకు బైడెన్‌ ఇప్పటికే లండన్‌కు చేరుకున్నారు. ఈ సదస్సులోనే టీకాల విరాళంపై ఆయన కీలక ప్రకటన చేయనున్నట్లు తెలుస్తోంది. ఈ వ్యాక్సిన్ల ఎగుమతి ఆగస్టు నుంచి ప్రారంభం కానున్నట్లు సమాచారం. ఈ ఏడాది చివరి నాటికి 20 కోట్ల డోసులు, 2020 తొలి అర్ధభాగం నాటికి మరో 30 కోట్ల డోసులను అందించాలని అమెరికా ప్రణాళికలు సిద్ధం చేస్తోంది. ప్రపంచవ్యాప్తంగా తక్కువ, మధ్య ఆదాయం కలిగిన దేశాలకు కొవాక్స్‌ ద్వారా ఈ టీకాలను పంపిణీ చేయనున్నట్లు వైట్‌హౌస్‌ వెల్లడించింది. ప్రపంచ ప్రజల రక్షణ కోసం అమెరికన్లు కట్టుబడి ఉన్నారని శ్వేతసౌధం పేర్కొంది. 

ఇప్పటికే తమ దేశంలో ఉన్న టీకా మిగులు నిల్వల నుంచి 8 కోట్ల డోసులను ప్రపంచ దేశాలకు అందిస్తామని అమెరికా ఇటీవల ప్రకటించిన విషయం తెలిసిందే. జూన్‌ చివరి నాటికి ఆ వ్యాక్సిన్ల పంపిణీని పూర్తి చేస్తామని తెలిపింది. ఇందులో కొన్ని టీకా డోసులు భారత్‌కు కూడా రానున్నాయి. ఇక దీంతో పాటు టీకా పంపిణీ, కరోనా నివారణ కోసం కొవాక్స్‌కు 2 బిలియన్‌ డాలర్ల సహకారం అందిస్తోంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని