నిరసనలు ఆపండి.. రోడ్లు ఖాళీ చేయండి! 
close

తాజా వార్తలు

Updated : 28/01/2021 21:23 IST
Facebook Share Twitter Share WhatsApp Share Telegram Share Link Share

నిరసనలు ఆపండి.. రోడ్లు ఖాళీ చేయండి! 

రైతులకు యూపీ అధికారుల ఆదేశం 

దిల్లీ: కేంద్రం తీసుకొచ్చిన మూడు వ్యవసాయ చట్టాలకు వ్యతిరేకంగా ఆందోళన చేస్తున్న రైతులకు యూపీ అధికారులు నోటీసులు జారీ చేశారు. దిల్లీ  - యూపీ సరిహద్దులోని  ఘాజీపూర్‌  వద్ద ఆందోళన విరమించి రోడ్లను ఖాళీ చేయాలని ఘజియాబాద్‌ జిల్లా కలెక్టర్‌ ఆదేశించారు. ఇందుకోసం ఈ రాత్రి వరకు గడువు విధించారు. ఒకవేళ రైతులు ఖాళీ చేయకపోతే తామే బలవంతంగా ఖాళీ చేయించాల్సి ఉంటుందని హెచ్చరించినట్టు సమాచారం. మూడు వ్యవసాయ చట్టాలను రద్దు చేయాలని డిమాండ్‌ చేస్తూ రిపబ్లిక్‌ డే రోజున దిల్లీలో రైతులు చేపట్టిన ట్రాక్టర్ల పరేడ్‌ హింసాత్మకంగా మారిన నేపథ్యంలో అన్నదాతల నిరసనల పట్ల యూపీ కఠిన వైఖరి తీసుకుంది. రైతుల నిరసనల దృష్ట్యా నవంబర్‌ 26 నుంచి ఘజీపూర్‌ సరిహద్దును మూసివేశారు. అయితే, రైతులు మంగళవారం రోజున బారికేడ్లను ధ్వంసం చేసి ట్రాక్టర్ల ర్యాలీ చేపట్టారు. మరోవైపు, జాతీయ రహదారుల పనులు పెండింగ్‌లో ఉండటంతో నేషనల్‌ హైవేల అథారిటీ నుంచి తమకు అభ్యర్థనలు వచ్చినట్టు అధికారులు చెబుతున్నారు.

రైతులకు వ్యతిరేకంగా స్థానికుల నినాదాలు  
మరోవైపు, సాగు చట్టాలకు వ్యతిరేకంగా 60 రోజులకు పైగా ఆందోళన కొనసాగిస్తున్న రైతు సంఘాలు దిల్లీ సరిహద్దుల నుంచి వెళ్లిపోవాలని స్థానికులు డిమాండ్‌ చేశారు. సింఘూ సరిహద్దులో ఆందోళనకు దిగిన స్థానికులు.. రైతుల ఆ ప్రాంతాన్ని వెంటనే ఖాళీ చేసి వెళ్లిపోవాలని డిమాండ్‌ చేశారు. ఈ ఆందోళనల్లో పెద్ద ఎత్తున పాల్గొన్న ప్రజలు సింఘూ సరిహద్దు నుంచి రైతులు వెళ్లిపోవాలని నినాదాలు చేశారు. దీంతో అక్కడ ఉద్రిక్త పరిస్థితి నెలకొంది.

ఇదీ చదవండి..

దిల్లీ ఘటన: రైతు నేతలపై లుకౌట్‌ నోటీసులు



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని